Dulce sa Cebu Pop

CEBU, Philippines - Karong alas siete (7p.m.) sa gabii ipahigayon ang labing gikahinaman ug tinuig nga Cebu Popular Music Festival diha sa Cebu Coliseum. Kining tinuig nga “love project” ni Kongresista Eduardo R. Gullas, 31 ka tuig na nga nag-abag sa pagpalambo sa Sugbuanong musika.

Gipaabot nga mahugyaw ang mga tumatan-aw karong gabii sa performance sa garbo sa Sugbo nga si Dulce kinsa maoy special guest performer. Dili usab angay palabyon ang opening number sa tanang composers ug interpreters diin ilang banhawon ang “Matag Litok Awiton,” ni Engr. Bert Rosales, nga nahimong finalist atol sa 9th Cebu Pop.

Best Wishes!

Pakpak: Kumpirmado nga gikasal sila si Oyo Boy Sotto ug Kristine Hermosa niadtong Miyerkules sa Club Balay Isabel sa Talisay, Batangas. Lakip sa ilang principal sponsors sila si ABS-CBN president Charo Santos-Concio ug Star Magic head Johnny Manahan. “Lakeside wedding” ang paghulagway sa mga nakatambong. Best Wishes!

Marc Estuart hugyaw gyud!

Pakpak: Pero ang hugyaw kaayo mao si Mr. Mandaue 2010 ug Mr. Olive C first runner-up Marc Estuart tungod kay siya maoy gihimong host sa nahisgutang “lakeside wedding,” nila ni Oyo ug Kristine. Matud ni Marc, (kinsa sakop pud sa Ozar Models Philippines ni Danny Booc) sa mensahe niya sa Banat Hugyaw pinaagi sa Facebook kagahapon, lahi ra matud pa ang maong magtiayon sa tinuod nga kinabuhi tungod kay labihan niini ka mapaubsanon.

“I got to befriend them, (Oyo and Kristine) including many of her family members, and they weren’t what I expected, they are so down to earth talaga. I’ve been hosting a few events in Manila lately, and in one of those, Kathleen Hermosa, Kristine’s sister was there,” pasabot ni Marc sa Banat Hugyaw giunsa nila pagkaila sa magtiayon.

Matteo yabag!

Palpak: Daghang wala makauyon sa pagkanta sa Sugbuanong si Matteo Guidicelli atol sa Miss Cebu 2011 pageant tungod kay matud pa sa usa ka lifestyle writer “yabag ug nag-una sa kanta.” Duna puy miingon nga angay nga sa acting na lang mo-focus si Matteo, dili na lang mukanta. Mada ra pud matud pa ang hosting.