Charice ikapito sa listahan
CEBU, Philippines - Ranked 7 si Charice sa listahan sa ew.com sa Glee’s Best Guest Stars. Sa nasayran na, si Charice mao si Sunshine Corazon sa maong hit U.S TV series. Top 3 sila si Darren Criss, ang half-Filipino, half-Irish newcomer nga midala isip Blaine, gisundan nila ni Neil Patrick Harris ug Gwyneth Paltrow.
Kinsa kaha?
Gikan sa P.O.5. sa TV5 ang umaabot nga bag-ong member sa Gigger Boys sa ASAP XV. Atangi!
“Walk of Fame”
Lakip sila si Jake Vargas, Bea Binene, Joshua Dionesio ug Barbie Forteza sa hatagan og “Walk of Fame” ni Kuya Germs. Sa ABS-CBN, gihisgutan niini sila si Andi Eigenman, Matteo Guidicelli, Erich Gonzales ug Enchong Dee.
SCQ Kiddie Superstar Search
Mangita na pud ang ABS-CBN og mga bag-ong child superstars pinaagi sa Star Circle Quest the next Kiddie Superstars. Sa November 27-29 ipahigayon ang auditions didto sa ABS-CBN compound sa Quezon, City.
Salamat Marian!
Subling giangkon ni Bela Padilla nga nakatabang gyud ang kontrobersiya tali nila ni Marian Rivera niining bag-o lang, aron mas mailhan siya sa publiko.
“Senior Year”
Rated “A” sa Cinema Evaluation Board ang indie film nga “Senior Year,” usa sa mga entries sa pre-MMFF 2010 Indie Filmfest. Kining maong pelikula ikatulong full length-movie ni Jerrold Tarog, kinsa unang naila pinaagi sa Confessional sa Cinema One Originals.
Bag-ong host sa Win Na Win
Duna matud pay Star Magic talent nga babaye nga musulod sa Pilipinas Win Na Win karong Sabado, aron suwayan kung muhaom ba siya aron mamahimong co-host. Wala nganli ni Valerie Concepcion kinsa, pero usa matud pa kini sa mga nahimo nang hosts sa Wowowee kaniadto. Samtang gihimakak ni Valerie ang mga tsika nga wad-on na ang nahisgutang noontime show.
Confirmed: Piolo-Kim movie
Gitino na ni Piolo Pascual nga ang sunod niyang pelikula sa Star Cinema makauban niya si Kim Chiu. Ang wala lang maklaro ni Piolo mao kung kining maong movie mao bay pang-Valentine offering sa Star Cinema ug posibling maengkwentro sa pelikula pud ni Richard Gutierrez.
VP Estrada
Midaog si Gary Estrada isip Vice President-Luzon sa Philippine Board Members League sa piniliay nga gipahigayon niadtong Martes. Perteng lipaya sa iyang asawa nga si Bernadette Allyson sa maong kalambuan. Si Gary board member sa Quezon Province. Wala siyay kontra sa maong piniliay.
Maxine TIGHIMO og ice cream ang bf
Miangkon na si Maxine Magalona nga “in a relationship” siya karon, pero nagdumili paghatag og dugang detalye ang anak ni anhing Francis M. Matud ni Maxine aprobado matud pa sa iyang mommy Pia ang iyang boyfriend. Samtang nasayran sa PEP nga ginganlan og Neil Arce ang uyab karon ni Maxine, kinsa naggikan matud pa sa pamilya nga nanag-iya sa Arce Dairy Ice Cream.
- Latest
