Carla nagpakipot

CEBU, Philippines - Hangtud karon wala gihapon sugta ni Carla Abellana si Geoff Eigenmann apan iyang gihulagway ang aktor nga maayo nga tawo busa wala’y problema kung sila ang magkadayon puhon. Matud pa nga wala magdali ang aktres nga mosulod og seryosong relasyon. “Geoff is a good person. He only has good intentions for me, so okay naman po,” suma pa ni Carla ngadto sa PEP.

Cristine kever sa isyu

Igo lang mipahiyom si Cristine Reyes kabahin sa isyu nga matud pa nga nasobraan ra ka-sexy ang gipanul-ob niya sa iyang mga dance number sa ASAP XV. Sa laing bahin, padayon nga gihimakak ni Cristine ang report nga matud pa nga duna na sila’y espesyal nga relasyon ni Zanjoe Marudo. Suma pa sa aktres nga higala lang sila ni Zanjoe busa dili angay intrigahon kung makit-an sila nga magkuyog sa aktor.

Ogie eksklusibo na sa Dos

Mipirma og usa ka tuig nga exclusive contract sa ABS-CBN ang TV host nga si Ogie Diaz .Gawas sa kasamtangan niya nga programa, ang Entertainment Live, malakip usab siya sa himounon nga serye sa ABS-CBN. “Alam mo nakakaloka. After 18 years sa ABS-CBN ngayon lang ako pumirma. Nakakaloka iyong mga dati kong pagpirma, lihim. Ito may mga coverage na,” nagkatawang gipadayag ni Ogie ngadto sa ABS-CBN News. 

Heart gibantayan ni Daniel

Kanunay nga bantayan ni Daniel Matsunaga ang iyang girlfriend nga si Heart Evangelista basta dili siya busy gumikan kay matud pa nga mahadlok siya nga mailog sa lain ang iyang uyab.