Ayaw na lang pa-cute

CEBU, Philippines - Nabag-ohan sila si Bea Binene ug Jake Vargas sa ilang mga roles sa pantaseryeng Ilumina sa GMA-7. Lahi matud pa kaayo ilang mga papel, itandi sa First Time kaniadto nga pa-cute.

Sarah-Coco movie

Dunay himuon nga pelikula si Sarah Geronimo para sa Viva Films ug Star Cinema sa dili pa mapupos ang tuig. Si Coco Martin maoy gikatahong leading man niya.

Wa pa maghuman

Gipalanog ni Annabelle Rama nga wala pa matapos ang isyu tali nila ni Angeli Pangilinan kabahin sa unsolicited advice niini kang Ruffa Gutierrez nga iparetuki ang nawong. Matud ni Annabelle, wala pa mag-sorry si Angeli, busa wala pay closure.

Kris Bernal hilom

Tua diay sa Amerika karon si Kris Bernal nagbakasyon, hinungdan nga wala igkita karong panahona sa showbiz events. Gimingaw matud pa si Aljur Abrenica sa dalaga, ilabi na nga wala ni makakita niya sa Cosmopolitan Bachelor Bash sa milabay nga semana.

Angelica tua sa Amerika

Milarga pud sa Amerika si Angelica Panganiban niadtong Biyernes para sa usa ka event sa The Filipino Channel. Gihatod siya sa iyang mga bodyguards sa airport.

Keanna gilabhan ni K Brosas

Miisa ang kilay ni K Brosas sa pangangkon ni Keanna Reeves nga matud pa nga gipasagdan lang kini kaniadto sa Backroom Inc. nga gidumala ni Boy Abunda.

Sakop si K sa maong talent agency busa wa siya kauyon sa   mga gipadayag ni Keanna kinsa nagpasilong na karon sa TV 5.

“Ang sa akin lang is, andiyan ka na, bakit mo sinayang? Nagsalita pa siya nang ganu’n na pinabayaan siya ng Backroom which, nasaktan ako dahil ano ba, hindi ka naman pinabayaan. Lahat ng pagtitiis, ginawa na ng buong staff ng Backroom, pinagtanggol siya to the max, alam nating lahat ‘yan, pinabayaan mo ang sarili mo. Aminado naman yata siya, eh,” nagkanayon si K.

Matud pa ni K nga kung magkita sila ni Keanna kay motagad gyud siya niini ug iya kini nga tambagan ilabi na sa isyu nga kabalo matud pa si Boy sa mga gipanghilawas    ni Keanna.

“Okay na ‘yung umamin ka, pero para idamay pa niya ang isang Boy Abunda, teka lang naman. Sino maniniwalang magbubugaw si…sorry, pero parang ‘yun ang lumabas, eh sa sinabi niya. Although hindi niya sinabing diretso pero parang ‘yun ang lumabas. Parang na-hurt naman ako ng ganu’n. Nakaka-sad lang, ‘yun ang pinaka-bottomline nu’n.,” dugang pa ni K.

Samtang mapasalamaton si K sa Backroom gumikan sa maayo niya nga proyekto nga nadawat.

Gawas sa kantaserye nga Idol sa ABS-CBN, aduna pud siya’y umaabot nga solo concert sa Museum karong Nobiyembre. (BANATSHOWBIZ)