GMA-7 naglisod og piog sa Tayong Dalawa!

CEBU, Philippines – Wa gyud gihapon matarog ang Tayong Dalawa isip top-rating primetime program sa ABS-CBN bisan paman og bisan unsa na lang ang show nga giatbang niini.

Suma pa sa PangMasa nga gikan sa Gagambino, Ang Babaeng Hinugot sa Aking Tadyang, All About Eve ug karon ang Adik Sa ‘Yo nga nag-pilot last Monday ang giatbang sa Tayong Dalawa.

Pero suma pa sa survey sa AGB Nielsen, ang pilot episode sa Adik Sa ‘Yo nakakuha og 25.4% vs. Tayong Dalawa nga may 28.2% sa Mega Manila.

Sa TNS national ratings mitala ang Tayong Dalawa og 33.4% samtang ang Adik Sa ‘Yo dunay 20.4% niadtong Lunes.

Ang taho matud pa, ang Adik sa Yo, so far, labing ubos og pilot rating sa tanang GMA-7 primetime shows sukad 2005. (Ryan Mark)