Ai ug Sharon isig okray

CEBU, Philippines - Gipasidan-an diay sila daan si Ai Ai delas Alas ug Sharon Cuneta nga “trabaho lang walang personalan” tungod kay sa umaabot nilang pelikulang Best Friend Forever (BFF) riot ang ilang speaking lines, diin isig saway sila sa ilang mga character—bilbil ni Sharon ug suwang ni Ai. May 13, na mogawas sa mga sinehan ang maong pelikula nga ubos sa direksyon ni direk Wenn Deramas para sa Star Cinema.

Marian ok na sa panagbuwag nila ni Dingdong

Gipaila na ni Marian Rivera ngadto sa iyang lola si Dingdong Dantes. Ug tsika pa ni Dingdong ngadto sa PangMasa nakauyon sila sa pamilya ni Marian. Samtang si Marian nakadawat na gyud sa kamatuoran nga angay na nilang magbuwag ni Dingdong og projects para usab sa kaayohan sa ilang careers.

Kontrobersiya gisakyan ni Richard

Nagpanon ang pamilya ni Gutierrez ug ang mga talents sa Royal Era Productions aron musuporta ni Richard kinsa gilusad isip endorser sa Gutz & Glory ug Slim Tee sa Bench, sa Centerstage sa SM Mall of Asia niadtong Sabado sa gabii. Pasabot ni Richard ngadto sa PangMasa nga ang “Gutz” dugay nang tawag sa iyang daddy niya, samtang ang “ Glory” haom kaayo karon sa iyang sitwasyon nga gidaot ug gihimoan og kontrobersiya.

Tadyang cast emotional

Emosyonal ang gihimong panamilit nila ni Dingdong Dantes, Marian Rivera ug tibouk cast sa “Ang Babaing Hinugot Sa Aking Tadyang” sa “SOP” kagahapon. Nakahilak si Dingdong sa ilang production number ug miangkon nga dakong parte si Marian sa mga importanteng butang nga nahitabo sa iyang kinabuhi. Si Marian usab nakahilak ug miingon nga mawili siya nga makatrabaho si Dingdong ug namulong og “mahal ko siya”.   Karon na ang final week sa nahisgutang serye.

LJ Moreno muhubo na

Andam na mo-pose si LJ Moreno sa mga men’s magazine pero iyang giklaro ngadto sa PEP nga kutob ra gyud siya sa two-piece kay dili gyud niya makaya nga buhaton ang ubang pose nga grabe na gyud ka-sexy.

Mar ug Korina magpakasal na gyud

Daghan ang nakilig nga mga televiewers sa mensahe ni Korina Sanchez ngadto sa iyang boyfriend nga si Sen. Mar Roxas. Si Korina mibuhi sa pulong nga “Kahapon, ngayon at bukas, iyong-iyo ako” sa programang Wowowee niadtong Sabado. Sa maong show gitino sa duha nga duna na gyu’y nahitabo nga marriage proposal si Mar ngadto kang Korina ug nahitabo kini sa usa ka beach resort.

Kasal, natuki na nila ni Angel ug Luis

Aminado si Angel Locsin nga naghisgot-hisgot na sila ni Luis Manzano kabahin sa kasal pero iyang giklaro ngadto sa PangMasa wala kini nila seryosoha gumikan kay gusto nila nga mag-enjoy sa ilang kinabuhi pagkakaron.