Bag-ong shows sa TV5

Daghang bag-o nga show ang nadugang sa second season sa TV5. Gawas nga magpabilin ang showbiz talk show nga Juicy nila ni Alex Gonzaga ug IC Mendoza ug magsugod ang You & Me Against The World ni Gretchen Barreto, dunay duha ka shows si Eugene Dominggo sa maong istasyon.

Kini mao ang “Hayop” nga children show ug ang “ Everybody Hapi” diin gawas ni Eugene bida pod si John Estrada.

Dunay Japanese game show nga giulohan og “Baikingu,” hosted by Brod Pete, Gabe Mercado ug Richard Del Rosario, every Tuesday, 8:30 p.m.

Naa poy show si Bianca Gonzales, ang “I Am Pinoy” nga gitumong aron ipagya ang positive Pinoy values, matag Martes, 11:30 p.m.

Magpabilin gihapon ang ‘‘Talentadong Pinoy” with Ryan Agoncillo as host, ug    TV5 Max Movies, every night at 9. King Kong, The Hulk, The Tomas Crown Affair, Spiderman 1 and 2 ug Peter Pan ang mga umaabot nga attraction.

Toni hayan mapildi ni Alex

Napanlantawan nga muabot matod pa ang panahon nga mamahimong karibal ni Toni Gonzaga ang iyang kaugalingong igsuon nga si Alex, sa natad sa hosting. Kini tungod kay dunay lahi nga atake si Alex sa hosting, kikay kini ug kataw-anan busa nindot tan-awon ug paminawon. Mas sexy pod matod pa si Alex kay ni Toni, gani gamay kaayo kini og hawak hinungdan nga nakapangutana si Eugene Dominggo sa usa ka presscon kun mokaon pa ba kini og rice.

IC ug inahan gitanyagan og talk show

Dunay gitanyag nga talk show ngadto sa inahan ug anak nga si Dolly Anne Carvajal ug IC Mendoza ang usa ka network pero nagpadayon pa ang sabot-sabot. Samtang nagdumili si IC pagsanong sa obserbasyon sa mga himantayon nga hayan maabot niini ang kalampusan sa iyang lola kaniadto nga si anhing Inday Badiday karon nga naa na siya sa natad sa hosting. “Naku ha,”abtik nga reaksyon ni IC ngadto sa PangMasa. “Mahirap pantayan ang isang reyna. And my Lola was the Queen of Talk during her time. Ang maging TV host lang na katulad niya ay isa nang malaking honor para sa akin.”

Bangs ug Oyo posibling magkauyab?

Dunay regular show si Bangs Garcia sa TV5 kauban si Oyo Boy Sotto. Pero daling miingon ang mga himantayon nga imposibli nga dunay matigayon nga espesyal nga relasyon tali nilang duha sanglit malambuon man ang love life ni Bangs sa iyang non-showbiz boyfriend. Sa ABS-CBN, kasamtangan pod nga gihimo ni Bangs ang “Humiling Ka Sa Langit” diin bida si Judy Ann Santos. Suma pa ni Bangs nga dili siya kontrabida sa team-up ni Juday ug Derek Ramsay tungod kay sa ending sa istorya mahibaw-an nga magsuon diay sila sa young superstar. Gitakda pod nga mogawas na sunod buwan ang 2009 Calendar ni Bangs alang sa usa ka ilimnon nga panlalake.

Claudine dili mobiya sa ABS-CBN

Sunod tuig pa subling makita si Claudine Barreto sa telebisyon alang sa follow-up sa iyang malampuson nga teleserye, ang Iisa Pa Lamang. Pero gibutyag ni Claudine nga gitakda na siya nga makig-istorya sa ABS-CBN management aron tukion ang iyang mga projects sunod tuig. Ang mao niyang pakigtagbo kamatuoran lang nga dili tinuod nga mobiya na siya sa Kapamilya network. Matud ni Claudine nga wala siyay rason nganong mobalhin siya og network sanglit maayo man ang projects nga gihatag kaniya sa management. Tsika pa niya, sigurado na nga duna siyay himuon nga pelikula para sa Star Cinema sunod tuig samtang gidungog nga pantaserye ang iyang follow-up project, ang Amaya. Pagkakaron busy si Claudine sa iyang product endorsements.

Jomari mugnaan og concert si Martin ug Pops

Plano ni Jomari Ylana nga mag-produce og concert para sa iyang uyab nga si Pops Fernandez ug sa kanhi bana niini nga si Martin Nievera. Kung mapatando niya ang duruha, sa February kini niya buot mahitabo isip pre-Valentine concert, gawas nga sa maong buwan magsaulog sa iyang birthday ang concert king. Suma pa ni Jomari nga iya kining buhaton sanglit kaniadto pa fan na siya nila ni Pops ug Martin, ug ganahan pod siya nga duna siyay laing trabaho gawas sa iyang pagka artista.

Jinky Oda dili na negra

Hugyaw ang kanhi itom og pamanit ug komedyante nga si Jinky Oda tungod kay naputi na kini karon ug hamis na kaayo og pamanit tungod sa iyang gigamit ug gi-endorso nga produkto.

“Kakauwi ko lang from Australia noon at ang taba-taba ko. As usual, negra pa rin ako naman ako. Noong nilapitan ako para sa product na ito, hindi muna ako na-convince kasi hindi naman ako naniniwala na mag-iiba pa ang kulay ng balat ko. Pero sa naging paliwanag nila sa akin, sinubukan ko na rin.” Tulo ka buwan nga gigamit ni Jinky ang produktong Glutamax ug inanay nga naputi ang iyang panit. Gipa-diet pod siya busa sexy na karon ang kanhi negra.

HOT

Dunay nasagap nga balita ang Banat Hugyaw nga usa ka buwan human sa malampuson nga Mr. Cebu pageant, wala pa makadawat sa cash prize niini ang mga mananaug. Mibalik na sa Amerika ang tagduma sa BCB Productions nga si Bong Cago Bantilan. Nagpaabot ang mga mananaug og pamahayag gikan ni Bantilan kalabot sa ilang cash prize. Bukas ang mga pahina sa Banat Hugyaw alang sa habig ni Bantilan. Gani misuway ang Banat Hugyaw og kuha sa habig sa nahisgutang kampo kagahapon apan walay mitubag sa daghan niining mga tawag gamit ang telepono. Ang labing una ug malampuson nga MR. Cebu gipahigayon niadtong October 11.