Rota paingon sa kadaugan

Niadtong November 5, gipahigayon na ang pre-judging hinungdan nga diretso na nga gipahibawo ang Top 16 semi-finalists atol sa pageant night. Human niini gipahigayon ang swimsuit competition diin didto gipabase ang paghagpat sa Top 8 Finalists.

Samtang sa mga nahaunang pre-pageant activities nalangkat na ni Karla ang Miss Photogenic award; Best in National Costume ang pambato sa Panama, Best in Evening Gown ang kandidata sa Venezuela, Miss Talent si Miss Australia ug gipili nga Miss Friendship ang manok sa Ecuador.

The Final Question

If you have a chance to speak to Newly Elected US President, Barack Obama, about the state of Global environment, what will you tell him?

Karla’s Winning Answer

I would encourage Obama to implement environmental knowledge in the curriculum of schools whether in the United States or in the Philippines. Environmental knowledge is something that all of us must share, but most importantly we must teach the youth that this is something that we should instill in them so that in the near future they will be the ones to take care of our mother Earth. And I personally believe that the children are our future.

Similarities

* Sila si 2001 Miss Universe Denise Quinones sa Puerto Rico, Miss Universe ’97 Brook Lee sa USA, Miss World ’83 Sarah-Jane Hutt sa United Kingdon, Miss World ’07 Zhang Zilin ug Karla Paula Henry pareho nga midaog samtang ang ilang nasud maoy host country.

* Sila si Miss Earth ’07 Jessica Trisko ug Karla pareho nga Fil-Canadian.

* Si Karla ug si Miss International ’08 Alejandra Andreu sa Spain, managsama nga napiling Miss Photogenic sa wala madughit ang prestihiyosong titulo.

Her Road To Miss Earth

Nahimo siyang Miss Trimedialympics isip representative sa The Freeman Newspaper niadtong 2005. Sa maong tuig usab mitekang siya ug nahimong 2nd runner-up sa Miss Mandaue.

Pagka 2006, nahimo siyang 2nd runner-up sa Miss Cebu ug 1st runner-up sa Miss Aliwan Festival sa susamang tuig.

Sayong bahin niining tuiga, misalmot siya sa Bb. Pilipinas 2008. Apan bisan pa man og giisip nga heavyweight wala siya masulod bisan semi-finalist man lang. Naguol siya pero nakasabot si Karla nga dunay laing plano kaniya si Sr. Sto. Niño. Sanglit nakapanukad naman siya sa Manila ubos sa pagbansay ni beauty-queen maker Rodgil Flores misalmot siya sa Miss Earth-Philippines paglabay sa usa ka buwan human siya naparot. The rest is history.