Luis ug Angel nag-away gyud

Nakugang na lang si Luis Manzano sa mikatap nga isyu sama sa migawas kagahapon dinhi sa Banat Hugyaw nga matud pa nagbuwag na sila ni Angel Locsin tungod sa ka-busy na karon sa aktres. “Nagulat lang ako kasi even ‘yung staff ng Entertainment Live! Last Saturday, they were asking me, “How are you?”, “Are you okey?”. Nakatingin sila sa mata ko kung namumugto daw,” butyag pa ni Luis ngadto sa Pang Masa. Hinuon giangkon ni Luis nga nag-away sila ni Angel niining bag-o lang pero nahilot ra dayon. “In all honesty, we were in warzone few days ago. Pero it was just those normal away namin. But never naman yung tumagal. As in we had a fight ng 7 am, then no’ng 9 pm, okey na kami,” pagklaro pa sa aktor. Sa atubangan sa PangMasa gitawgan ni Luis si Angel pagmatuod nga okay na sila, ug nagkinataw-anay na lamang sila.

Save The Best For Last nila ni KC ug Richard

Gikataho nga grabe ka busy karong semanaha ang megastar nga si Sharon Cuneta sanglit karong weekend mahitabo na ang Caribbean cruise niya sa iyang pamilya. Nasayran sa PangMasa nga kuyog sa maong cruise ang sweetheart ni Shawie nga si Sen. Kiko Pangilinan ug ilang mga anak nga sila si KC, Frankie ug Miel.   Session break ni Kiko sa Senado busa iya kining pahimuslan pinaagi sa family bonding. Nasayran nga kuyog pod si Fanny Serano. Apan sa dili pa molupad si Sharon alang sa iyang family bonding, gikatakda siya nga mag-advance taping sa iyang TV show nga “Sharon”. Samtang naka-schedule na usab sila ni KC alang sa Christmas station ID sa ABS-CBN. Samtang sa pagbalik ni KC sa Pilipinas gikatakda nga atimanon na usab niini ang umaabot   nga Valentine movie nila ni   Richard Gutierrez for GMA Films nga dunay working title nga Save the Best for Last nga idirek ni Joey Reyes .

Mark daring, apan wa maghubo

Malipayon si Mark Herras alang sa iyang kanhi ka-love team nga si Jennylyn Mercado, nga bisan naa na kini anak init lang gihapon ang pagdawat sa mga fans niini dihang gi-welcome kini sa SOP last Sunday. Gipadayag ni Mark nga dili pa siya ka tubag sa mga pangutana kung duna pa ba’y purohan nga magkabalik sila ni Jennylyn. Giatngan na ni Mark ang subling pagbalik nila ni Jennylyn sa telebisyon sama sa usa ka episode sa Dear Friend ug usa ka Sine Nobela sa GMA-7 nga sugdan next year. Excited usab ang   young actor sa first indie film niya nga “Sapi” under Winasia Productions directed by Arnold Argano. Novemebr 5 ang tentative playdate niini . Kapares niya sa maong indie film si Aiza Marquez ug makauban nila sila si Ricky Davao, Joel Torre, Nanding Josef, Keanna Reeves, Mosang, Lauren Novero, Janvier Daily ug Stella Peñalosa. Ang Sapi maoy labing mature nga project ni Mark diin niya pa dili niya kinahanglang maghubo para mahimong daring.

JC the next Eddie Rodriguez—Kuya Germs

Grabe ang pagdayeg ni German Moreno ngadto kang JC de Vera. Matud pa ni German nga usa sa mga very professional young actors karon si JC tungod sa ka maayo moarte niini atubangan sa kamera. Iyang napanglantawan nga si JC maoy mosunod sa tunob ni Eddie Rodriguez. Tungod niini, matud ni Kuya Germs ngadto sa PangMasa nga gisundan gyud niya ang La Lola matag gabii nga bisan comedy ang concept niini apan seryoso ang role ni JC kinsa midala isip Facundo. 

Bayani nalipay para ni Buboy

Gikalipay ni Bayani Agbayani ug sa iyang asawa nga si Lenlen ang pagbalhin karon sa pamilya ni Cesar Montano ug Sunshine Cruz sa bag-ong balay nila sa Tivoli Subdivision, Quezon City. Nagpuyo ang pamiya ni Bayani sa susamang lugar. “Actually, si Cesar ang nag-suggest na bumili rin ako ng lote sa Tivoli, nang mabili niya ang kanyang lote sa nabanggit na subdivision. Dahil maganda naman ang lugar, pinag-ipunan talaga namin ni Lenlen,” butyag pa ni Bayani ngadto sa PangMasa.  

Nganong kalit nga nawala si Jewel?

Ang music course niya sa University of the Philippines maoy rason nganong nahilom kadiyot si Jewel Mische. Pero karong balik na siya sa showbiz scene pinaagi sa La Lola, diin siya si Ada , ang babaylan nga mitalikod sa iyang pamilya tungod sa gugma niini ngadto kang Lalo nga gidala ni Wendell Ramos. “Alam naman ng mga taga-GMA-7 that I have plans to go back to school after Kamandag. Pumayag naman sila because wala pa naman akong kasunod na show after that. May mga guestings naman ako paminsan-minsan like sa Bitoy’s Funniest Videos, Kung Ako Ikaw and other GMA shows. But they know naman na naging priority ko ang studies ko,” mapahiyomong padayag ni Jewel ngadto sa PangMasa. Katapusang nakita si Jewel sa Kamandag isip leading lady ni Richard Gutierrez diin iyang giangkon nga walay natigayon nga relasyon tali nila bisan pa man sa sweetness nilang duha kaniadto. Suma pa niya, nagtagad man hinuon sila ni Richard atol sa inauguration sa bag-ong GMA-7 Studios sa milabay nga semana.

Roxanne ug Jake mas maayo nga mohilom na lang

Panahon na gyud nga mo-move on sila si Roxanne Guinoo ug Jake Cuenca. Kini suma pa sa mga himantayon nga nahinabi sa PangMasa. Kini taliwala sa taho nga nagkomprontasi ang duruha didto sa Guam niining bag-o lang. “However they want to end the conflict and put closure sa kanilang past relationship, ang malinaw ay tapos na ito,” nagkanayon ang usa sa mga suod nila ni Roxanne ug Jake. Dugang pa sa mga showbiz observers nga dili na maayo ang   sigeg tinubagay nila sa mga news items kay makaapekto kini sa ilang mga fans ug mas maayo pa nga mo-focus na lang sila sa ilang tagsa-tagsa nga mga career.