Iza way kabutangan sa kalipay

Walay gikabutangan sa kalipay ang actress nga si Iza Calzado sa dihang nahibaw-an niini nga usa siya sa mga semi-finalist sa International Emmy Awards tungod sa iyang maayo nga performance sa Joaquin Bordado. “Akala ko kasi secret pa ‘yan kaya wala akong kinukuwentuhan. Gustung-gusto ko na nga siyang ikuwento. Pero since may lumabas na palang news, I really like to say na masayang-masaya ako because hindi ko naman ini-expect na mapapansin ang performance ko,”butyag niini ngadto sa PangMasa. “Sinabi nga sa akin ng E.P. (executive producer) ng Joaquin Bordado na si Joseph Buncalan na nag-submit nga sila ng ilang performances sa International Enmmy Awards. I think hindi lang sa Joaquin Bordado ang pinasa nila but also sa Impostora. Ang hope lang naman nila ay ma-consider kahit papa’no. Kung hindi, at least they gave it a try. Samtang, gitakda nga isalida sunod tuig ang Hollywood movie ni Iza nga, The Echo (Sigaw).

Survivor gikagubtan

Nakaani og daghang pagdayeg ang pilot episode pa lang sa Survivor Philippines ug mibelib ang kadaghanan tungod sa stamina sa 18 nga mga castaways diin gipakita gyud sa mga Pinoy ang ilang pagtinabangay sa usag-usa, diin matod pa sa uban angay unta nga ang ilang kaugalingon una ang unahon og atubang sa mga challenges. Samtang, mipatigbabaw gyud ang pagka-gentleman ug pagkamatinabangon sa mga lalaki ngadto sa ilang mga kauban nga mga babaye sa dihang miambak sila sa tunga-tunga sa dagat ug milangoy padung na gyud sa isla. Ug sa dihang gibahin na sila og duha ka tribo, naproblema ang mga guys kung unsaon nila paghimo og kampo nga maoy himuon katulganan sa mga babaye tungod kay pagkahuman nilag kaligo sa dagat, kalit lang nga mibundak ang uwan ug bisan ang host sa maong show nga si Paolo Bediones nagpasinguwan samtang mipadayon kini sa paghatag og mga instructions ngadto sa mga contestants.

Jolina atimanon na ang album

Pwerteng lipaya ni Jolina Magdangal tungod sa mabulukong pagdawat sa mga televiewers sa I.T.A.L.Y (I Trust And Love You) atol sa gipahigayon nga premiere night niini dili pa lang dugay. Matod pa nga usbon og tan-aw sa mga nakakita na sa maong pelikula ang showing niini nga mahitabo karong adlawa. Gipaabot nga hugopan kinig maayo sa ilang mga fans. Samtang, butyag pa ni Jolens sa PangMasa nga karong showing na ang I.T.A.L.Y, atubangon na usab niya ang promo sa iyang ikatulo nga album.

Bayani nauyonan na sa kontra

Nagpasalamat ngadto sa Celebrity Duets ang contestant sa maong show nga si MMDA Chairman Bayani Fernando tungod kay matod pa niini nga sa una gikalagotan siyag maayo sa mga vendors ug dili pa gyud mosanong ang mga nahisgutan sa iyang mga sugo apan karon ang mga mamaligyaay na mismo ang moingon niya nga pirme siya giatngan sa matag lugwa niini sa nahisgutang programa ug daghan pa gyud ang mipadayag sa ilang suporta nga unta siya ang modaog. Samtang, butyag pa ni Bayani nga bata pa lang siya, hilig na gyud niya ang pagkanta diin ang iyang inahan nahimong usa ka sikat nga piyanista kaniadto ug maoy nahimong first teacher sa giilang music conductor nga si Regalado Jose. Giangkon sa nahisgutan nga gipakita na niya ang tanan niyang mga paningkamot bisan sa rehearsal pa lang sa Celebrity Duets. Ug mitug-an usab kini nga si Gary Valenciano ang gusto niini nga maka-duet kung ugaling papilion siya sa mga sikat nga mang-aawit karon nga gusto niyang makauban sa pagkanta.