Richard mohimo og laing movie sa Star Cinema

Mipadayag ang gwapong actor nga si Richard Gutierrez nga andam na usab siya nga mohimo og pelikula sa ABS-CBN pagkahuman sa maayong pag-atiman kaniya sa maong network atol sa paghimo nila sa ilang pelikula ni KC, ang For The First Time kansang hangtod karon gilinyahan gihapon sa mga sinehan.

Tsika sa PangMasa nga matod pa sa actor sa maong mga panahon nga gihimo pa nila ang FTFT sa Star Cinema, nabatyagan niya ang grabeng pag-atiman kaniya sa Kapamilya nga maoy hinungdan nga mawili siya sa ABS-CBN. Apan matod pa daghan pa kaayong mga commitments nga angay atubangon ang nahisgutan ug sa 2010 pa siya makahimog usab og pelikula sa Star Cinema. Sa maong tuig pa pod mapupos ang kontrata ni Chard sa GMA-7. Samtang, ang sunod nga atubangon usab ni KC mao ang ilang umaabot nga pelikula ni Richard sa GMA Films nga gikatahong molugwa karong umaabot nga Pebrero. Miduso sa ilang dakong pasalamat sila si KC ug Chard ngadto sa ilang mga fans nga mihatag sa ilang suporta sa ilang first team-up sa FTFT.

Nakakuha sa ikatulong pwesto sa nationwide viewership ang TV5 bisan og usa pa ka semana ang milabay gikan sa paglugwa niini. Nasayran kini sa PangMasa gikan sa AGB Nielsen Media Research data on National Urban Television Audience Measurement. “We know it’s just the first week and this is not yet a trend, but we are just so grateful that people are giving us a chance and supporting us.  Thank you to all our viewers. We shall work harder to continue offering our viewers fresh, relevant, and innovative content,” matod pa ni Christopher Sy, ang TV5 Chief Executive Officer. Tungod sa nindot nga mga bag-ong programa sa nahisgutang network nga molugwa kada gabii ang nagtukmod sa mga televiewers aron sundon sa pagtan-aw ang maong mga shows labi na gyud sa mga tawo nga naanad nga motan-aw og mga soap dramas sa primetime.

Nasayran sa PangMasa nga hangtod karon wala pa gyud diay nagka-estoryahanay sa personal ang kanhi manag-uyab nga sila si Alfred Vargas ug LJ Reyes bisan karon nga kauban sila sa GMA Sine Novela, ang Una Kang Naging Akin.

Ug matod pa aduna silay eksena sa maong sineserye nga mag-uban. Matod sa actor nga wala siyay problema nga makauban si LJ sa maong serye tungod kay professional lang siya sa trabaho. Midugang usab kini og sugyot nga giisip na nila ang usag-usa nga managhigala karon bisan pa man nga wala gyud milungtad ang ilang relasyon kaniadto. “Hindi naman naging panget ang paghihiwalay namin ni LJ, eh. Nagkaroon lang ng konting problema pero naayos naman namin agad. Ako naman, lahat ng nagiging ex ko ay nagiging friend ko. Hindi maganda ‘yung magsasalubong kayo tapos masama ang loob ninyo sa isa’t isa, ‘di ba?” Tsika sa PangMasa nga nagkita pag-usab ang duha atol sa story conference sa nahisgutang serye apan wala molugwa si Alfred atol na sa press conference sa maong sine novela. (Maria Vera Naome C. Flores UV Journalism Intern)

Naabtan nga adunay ice bag sa ulo si Regine Velasquez, atol sa last taping day sa Ako si Kim Sam Soon sa Enchanted Kingdom didto sa Sta. Rosa, Laguna. Sobra ka-init man gud didto ug dili siya pwedeng makasinati og migraine kay mobalhin pa sila og laing location sa Hacienda Isabella sa Tagaytay pagkagabii ana. Kinahanglan gyung mahuman ang taping nila kay karong adlawa, ang paglupad ni Regine para sa US concert series nila ni Lani Misalucha.

Pahayag pa ni Regine atol sa usa ka paniadto kauban ni Mark Anthony Fernandez, Carmi Martin, ug John Lapus, ma-shock siya nga kung bisan asa siya moadto karun, Kim Sam Soon na ang i-tawag kaniya. Gani niadtong miadto siya sa Miriam College, aduna siyay mga nahinabi nga mga inahan didto nga mihangyo kung pwede bang hangyuon niya ang GMA 7 nga ibalhin sa mas sayo nga timeslot ang dramedy kay dili matulog ang ilang mga anak hangtud dili mahuman ang Ako si Kim Sam Soon.  Sa Oktobre pa matapos ang dramedy busa daghan pa kaayong angay atangan nga mahitabo.

Mag-inusara una nga mag-host sa Celebrity Duets 2 ang boyfriend nga si Ogie (Alcasid) samtang wala siya. Dili man gud pwedeng i-advance ang taping sa show kay gihulat pa ang resulta sa text votes hangtud sa alas 12 sa udto sa Sabado para sa matagak inig ka gabii ana. Mahibalik siya inig ka Septembre 23 para sa anniversary concert ni Ogie, ang 20/20 sa Araneta Coliseum sa Septembre 27.

Parehong game silang Dennis Trillo ug ang Italian singer/actress nga si Andrea de Lugo, ang kapares niini sa ITALY (I Trust and Love You) sa GMA Films ug Viva Films, nga mag-kiss sulod sa usa ka minuto, sa atubangan sa entertainment press atol sa presscon sa nahisgutang pelikula.

Tsika sa PangMasa nga gipasiatab na ni Dennis nga wala nay masuko kaniya ug gi-angkon pod niya nga wala na sila sa iyang girlfriend nga si Cristine Reyes ug duha ka semana na siyang free maong libre na siyang makabuhat sa kung unsa iyang ganahan.

Sey niya nga sakit pod pero gusto na niyang matarong ug magmalinawon ang iyang kinabuhi, dili usa siya gusto og intriga, mas gusto niyang ma-focus ang hunahuna niya sa trabaho labi na karun nga sunod-sunod ang iyang mga projects.

Magkadungan ang promo niya sa ITALY ug ang pagsugod sa taping sa bag-o niyang telefantasya ang Gagambino.

Pang-episode gyud sa Maalala Mo Kaya ang kasinatian sa kinabuhi sa duha ka expelled scholars sa Pinoy Dream Academy (PDA), silang Sen o Hansen ug Bunny.

Si Sen, sa nasayran, usa ka cancer survivor. Sa usa ka car accident, siya nakahibalo nga aduna siya’y grabeng sakit nga gisagubang.

“When I was told by my doctor na may cancer nga ako, hindi lang ako kinilabutan, I turned pale.But I didn’t lose hope. I prayed. And thank God, I survived. And, more than that, my doctor’s fear na baka ’di na rin ako muling makaawit ay hindi naganap,” matud pa ni Sen.

Adunay kaluhang igsoon si Sen, si Jansen. Sila, ug ang duha pa nila ka igsoon, parehas nga natawo ug nagdaku didto sa US.

Bisan og foreigner ang ilang amahan, (iyang inahan maoy Pilipina), subscriber siya sa TFC (The Filipino Channel). Maong silang managsuon adunay kahigayonan nga makit-an ang mga programa sa ABS-CBN.

“Dream ko ang makita ang sariling nagpe-perform sa ASAP?” sey ni Sen.

Sa pag-apil niya sa PDA, kahibalo si Sen nga mao kini passport niya para mahimong professional singer. Maong nag-audition siya para sa first PDA, diin si Yeng Constantino ang nahimong grand winner.

Nasagmuyo siya nga wala gyud siya makaabot sa Top 6, apan okay na niya nga No.7 siya. Human sa tanan, sey ni Sen, “ I was able to make my presence “felt’ in more than two months of my stay inside the Academy”. Gisaad ni Sen, nga magpadayon siya sa pagkab-ot sa iyang mga pangandoy.

Gipa-operahan na diay ni Bunny ang iyang cyst sa tutunlan, hinungdan nga di parehas ni Iñaki, Sen ug Poy, wala madunggi sa press ang iyang pagkanta live sa milabay nga presscon para nila niining bag-o lang.

Tsika sa PangMasa kinahanglan pa siyang moagi og series of theraphy sessions usa siya maka-birit sa iyang mga paboritong kanta.

Naminyo og sayo sila si Bunny ug Chivas, kinsa sama niya expelled gikan sa Academy isip usa ka scholar tungod pod sad sa pagkasakit.

Aduna silay usa ka 4-anyos nga anak. Silang duha nagdako sa Negros. Pero naa na sila karun sa Manila, diin iyang natan-aw nga maayo ang ilang kaugmaon ni Chivas, kung didto nila ipadayon ang ilang singing career.

Matud pa ni Bunny nga daghan kaayo siyang pangandoy para sa iyang kaugalingon niadtong bata pa siya.

“Na-in love po ako ng sobra. Suwerte ko po naman dahil mabait ang asawa ko.” - BANAT