Bruce way sama ka ‘playboy’

Playboy gyud matud pa si PBB housemate Bruce Quebral. Kini human milugwa ang ginganlan og Dyesi niadtong Lunes sa gabii sa nahisgutang show ug gipaila isip ex-girlfriend sa nahisgutang basketball hunk.

Mga higala sa Banat Hugyaw naglumba pag-ingon nga dili si Dyesi ang labing uwahi nga ex-gf ni Bruce kundili ang ginganlan og Fran Diaz, cheerleader nga taga UST.

Dugang pa sa mga himantayon nga mga higala si Banat Hugyaw nga si Fran mao ang gipasabot ni Bruce nga uyab niya nga walay klaro ang ilang panagbuwag. Kini tungod kay sa nahisgutang programa na gibuwagan  ni Bruce ang maong babaye human usab siya miangkon nga nahigugma na siya ni Wendy Valdez.

Ganda ng Umaga June 25 magsugod

Kumpirmado na gyud nga hulipan na ang Magandang Umaga Pilipinas. Ang wala pa matino mao ang exclusive report  dinhi sa Banat Hugyaw niadtong Domingo nga usa si Pinky Webb sa bag-ong mga hosts.

Ang klaro mao na ang unang balita nga sila si Edu Manzano, Donita Rose, Pokwang ug Rica Peralejo ang bag-ong mga hosts sa show nga dunay working title, “Ganda ng Umaga.” Si Rica matud pa maoy pang-alkontra ni Regine Tolentino ug si Pokwang ibangga ni Love Añover, mga hosts sa GMA-7’s Unang Hirit.

Nabalita na sa Banat Hugyaw nga out na ang magtiayong Julius ug Tintin Babao. Ang bag-ong tsika mao nga mihilak pod si Cheryl Cosim sa atubangan ni Maria Ressa, VP for News and Current Affairs sa ABS-CBN ug mihangyo nga ilakip siya sa bag-ong show.

Sa June 25 magsugod ang Ganda ng Umaga.

Undangon na ang PPS?

Si Maricris Garcia na ba ang katapusang  “Pinoy Pop Superstar” grand champion?  Dunay tsika nga nasagap ang PangMasa nga papahuwayon una ang maong show nga milungtad og tulo ka tuig.

Pwes hayan malipay si Regine Velasquez niini kay matud pa tungod sa PPS duna siyay ubang mga raket nga gibalibaran tungod kay conflict sa schedule sa maong singing contest.

Ang unang duha ka mga winners sa maong bangga sa awit mao sila si Jonalyn Viray ug Gerald Santos.

Maegan nibalitok sa ABS-CBN

Nibiya na gyud ang “StarStruck 2” Avenger nga si Megan Young sa nataran sa GMA-7, sanglit usa siya sa mga gipaila nga bag-ong member sa Star Magic 15 sa ABS-CBN niadtong Domingo.

Si Maegan matud pa sa PangMasa, maguwang ni Lauren Young nga sakop sa Star Magic 13 ug mas sikat pa kaysa iyang ate.

Walay problema ang pagbalhin ni Maegan tungod kay napapas na ang iyang kontrata ubos sa GMA Artist Center.

Pwes siya maoy labing una nga produkto sa maong reality artista search nga mitapon.

Si Ryza Cenon ug Mike Tan ang ultimate survivors sa batch 2.