Mabubunyag na si Vina!

Maraming nagsasabi na isa si Vina Morales sa pinakamagaling na musical artists ng bansa. Muli niya itong patutunayan sa isang major concert na pinamagatang Vina: Revealed!

Ibubunyag ng Maxi-Media International ang kanyang talino sa pag-awit at ilulunsad siya bilang isang full-fledged concert diva sa Folk Arts Theater ngayong Oktubre 26, 8:00 n.g.

Walang hindi magiging interesado sa Vina: Revealed lalo’t ang mga panauhin niya ay ang magkaibigan pero mahigpit na magkaribal sa pag-awit na sina Martin Nievera at Gary Valenciano. Kasama rin ang Streetboys at Powerboys sa direksyon ni Butch Miraflor.

Mabibili na ang tiket sa halagang P50, P100, P200, P300 at P600 sa Ticketworld outlets, National Bookstores (8915610), Tower Records Makati at Alabang, CCP (5516902) at Maxi-Media (5518999 /5517777).