Baguhang ayaw mag-bold

Dahil may potential si Everly Locsin sa pag-arte, natipuhan siya ng ilang mga directors at producer na lumabas sa isang bold film. May mga talent managers din na gusto siyang i-handle at hinikayat na pasisikatin.

Sino ba naman ang ayaw sumikat nang husto? Ngunit sadyang may pangarap ang dalaga na makapagtapos ng pag-aaral sa marangal na paraan. Kahit daw supporting lang siya sa mga pelikula, okey lang ‘wag lang siyang mag-bold.

Si Everly ay host ng Lunchbreak. Tumatanggap na rin siya ng mga road show at mga out of town concert. Kasama rin siya sa pelikulang Walang Iba Kundi Ikaw ng MMG Films starring Mikey Arroyo and Geneva Cruz.