Mga stars sa Erap impeachment trial

Walang kaduda-duda na the biggest show in our life today in the Philippines is the Erap impeachment trial. Iyon ang laman ng broadsheets, tabloids, pagkagising mo pa lang sa umaga, usap-usapan na maging sa panaderya, pagsakay mo ng taxi ay iyon ang pinakikinggan sa radyo, pagbukas ng telebisyon sa bahay kung saan may coverage ang impeachment trial. Nami-miss ko na nga si Korina Sanchez dahil preempted lagi ang Balitang K. Sa totoo lang, after the fourth day, sawa na ako at sabi ko sa sarili ko bakit ko ba pinagtitiyagaang panoorin ang trials na pagkakataon ko lang mapanood ang mga honorable officials ng bansa at their worst? Alam ko namang kahit senador ka, hindi ka perpekto pero ang mahuli ka sa kamera na tulo o inaantok o nangunguyakoy at palaging nasa cellphone at nakikipag-text, parang hindi maganda ang dating. Siguro kailangang maging magalang ang mga cameramen at huwag na nilang i-focus ang kuha sa mga embarrassing situations para sa mga senador. I’m sure naghihintay lamang ang ibang magkamali ang mga opisyales. Kung ikaw ba naman ang nasa posisyon ng mga senador, eh natural lamang na antukin ka paminsan-minsan sa tagal ng proceedings.

Pero kung si Atty. Estelito Mendoza nga ang bagong idol ni Mrs. Armida Siguion Reyna dahil sa galing nito sa pagiging open of the defense counsel, hangang-hanga naman ako kay Chief Justice Hilario Davide, Jr.. He seems to be right all the time, hindi siya obnoxious, masaya at maliwanag magsalita. Okey na okey din si Senate President Aquilino Pimentel, kaya lang medyo stiff siya at seryosong-seryoso. Alam kong there is serious business at hand but the Chief Justice still manages to inject humor into the proceedings.

Sa prosecution panel, pinaka-komedyante si Congressman Sergio Apostol at si Congressman Joker Arroyo naman parang laging manggang hilaw ang inaalmusal tuwing umaga. At natural lang na may kanya-kanyang Pinoy accent tayo pero pag sinabi mong "your wetness" instead of "your witness" in front of national television it is being magnified a million times at natural lang expect mo na basa ang papel mo sa iyong mga kababayan. Panahon na rin siguro na linawin ang definition ng Tagalog sa Pilipino o Taglish dahil kapag pormalan na pala ang usapan kailangan maging tiyak na tiyak ka sa iyong sinasabi at ibig sabihin.

Pero sana naman ipagpaliban muna nila ang hearing nitong holiday season–from December 25 to January 1, 2001 – para naman mas maganda ang hinaharap ng Metro Manila Film Festival. Baka kasi umagaw pa ng eksena ang impeachment trial show sa MMFF, ito pa naman ang kaisa-isang pag-asa ng local movie industry ngayon.

*****

Gimikera si Marinella

Minsan ko lang nakita itong si Marinella Moran sa telebisyon (sa Startalk sa interview ni Lolit Solis) at siya pala iyong starlet na ang publicity ay nag-offer ng isang linggong kaligayahan sa piling ni Kumander Robot para palayain lamang iyong mga bihag sa Mindanao.

Of course I thought that was a far-fetched idea at the time, pero alam ko rin milagro na lang yung tototohanin ni Robot ang offer.

Tinanggihan nga siya. But it was a good gimmick.

Talagang tawag pansin at laman ng mga diyaryo. Kinagat man ang gimik, hindi naman yata pinansin ng mga major producers ang gimikera.

Piolo, nakipag-sex sa kotse ?

Ipinangangalandakan pa raw ni Marinella Moran na nag-sex sila ni Piolo Pascual sa loob ng isang kotse.

Ewan ko kung ang balitang ito ay ikinakalat sa mga tabloids primarily to counter-act the wild rumors that Piolo is gay. It does not really matter to his fans anyway. They simply do not believe that he is gay.

But it is not that I am questioning Marinella’s morality or gimmickry pero konting hinahon naman sana, after all lagi na ngang ang showbis ang napagbubuntunan ng lahat ng imoralidad sa bayang ito. Buti at walang mga moralists na nag-rally tungkol sa mga balitang pinagsasabi ni Marinella. Baka maging isyu naman iyon. Buti na lang at abala ang mga moralist sa kaso ni Erap. Twenty-two years old lang pala si Marinella. Para naman siyang isang mahinhing babae, pero maybe she is ill-advised. Ang mga artistang sumisikat dahil sa kontrobersiya ng kalaswaan, karaniwan naman hindi nagtatagal. Sabi naman ng ilan, buti na rin ang sumikat kahit sandali.