‘Non-diminution of benefits’
Dear Attorney,
Labag po ba sa tinatawag na “non-diminution of benefits” ang pagbabawas ng araw ng trabaho na ginawa ng aming kompanya dahil mahina-hina raw ang kita?
-- Rose
Dear Rose,
Kinilala na ng Supreme Court ang pagbabawas ng oras ng trabaho bilang isang lehitimong polisiya ng employer. Sa Philippine Graphic Arts Inc. v NLRC (G.R. L-80737, 29 September 1988), kinatigan ng Supreme Court ang employer sa ginawa nitong pagbabawas ng oras ng trabaho ng mga empleyado.
Ayon sa SC, ang pagbabawas ng schedule ng trabaho ay maaring gawin kung ang nasabing arrangement ay pansamantala lamang at kung sa pamamagitan nito ay maiiwasan ang pagtatanggal ng empleyado.
Kaya hindi masasabing labag sa batas ang pagbabawas ng oras ng trabaho sa inyong kompanya lalo na kung ito ay para naman talaga sa kapakanan ng negosyo at hindi naman ito ginawa upang pagmalupitan lamang kayo at labagin ang inyong mga karapatan bilang mga empleyado.
- Latest
