Flocerfida (387)

“BATAMBATA ka pa nun Ericko. Natatandaan ko, nasa high school ka pa yata nun,’’ sabi ni Kikoy.

“Nasa Senior High po.”

“Pero nagsisimula ka nang mag-imbento ng juice. Natatandaan ko, ang iniimbento mo yata ay ang kamias juice.”

“’Yun nga po, Tito.”

“Napakasarap ng kamias juice. Hindi ko malimutan ang lasa.”

“Ini-improve ko pa po ‘yun, Tito.”

“Anong improvement?”

“Sinamahan ko po ng honey kaya lalong masarap.”

“Talagang napakatalino mo, Ericko.”

“Bukod po sa honey, gumawa rin ako ng kamias na may halong katas ng sugarcane.”

“Aba di lalong malinamnam?”

“Opo?anamis-namis na maasim-asim.”

“Talagang ang dami mong naiisip ah!”

Marami pa po.”

“Palagay ko aasenso tayo dahil sa talino mo. Yayaman tayo at kikilalanin dito sa San Pablo.”

“Sana nga po, Tito.”

“Mangyayari ‘yun.”

(Itutuloy)