Simpleng resbak ni Bebot kay Sara ang baklas Mindanao
KAPIT-BISIG sina dating Pres. Digong Duterte at Rep. Pantaleon “Bebot” Alvarez na baklasin ang Mindanao sa mapa ng Pilipinas. Mantakin n’yo nga naman na isang dating Presidente at isang kongresista mula sa Mindanao ang naririmarim pala sa kabuuan ng sarili nilang bansa. Shocking di ba?
Sa hakbanging ito nina Digong at Bebot, siguradong hindi gugustuhin pa ng taga-Luzon at Visayas na pamunuang muli tayo ng isa pang taga-Mindanao. Lumalabo lalo ang planong kandidatura ni VP Sara sa pagka-presidente sa 2028. Tsk-tsk-tsk!
Maraming taga-Mindanao ang hindi kumporme sa diskarte nina Digong at Bebot. Malamang lumatay ito kay Sara at mawindang ang political ambition nito sa hinaharap. Bawas puwersa!
Sa pananaw ng mga amuyong, binabalikan lang daw ni Bebot si Sara sa ginawang pagsibak sa kanya bilang Speaker of the House of Representatives noong 2018. Pinalitan si Bebot ni Rep. Gloria M. Arroyo. Si Sara diumano ang nagpasimuno ng lahat. Nakupooo!
Ganito rin ang diskarte ni Sen. Robinhood Padilla sa plataporma niyang pederalismo na lumabo na rin sa plenaryo ng Senado. Number 1 nga sa senatorial election, kulelat naman sa deliberasyon. Salimpusa rin lang ang dating. Ano ba yaaan!
- Latest
