Koneksiyon ng ­ugali mo sa iyong mga ­kinatatakutan

Kung takot ka sa clown

Ikaw ay matapat, prangka at hindi marunong magkunwari. Kung ano ang ipinapakita mong ugali sa mga kaibigan, ‘yun na’yun.

Ayon sa pag-aaral na ginawa ng mga psychologist, ang clown ay kinatatakutan lalo na ng mga bata. Wala kang clue kung ano ang kanyang hitsura dahil sa makapal na make-up. Natural na sa isang tao na basahin ang facial expression ng kaharap upang malaman ang true intention nito. Dahil nakatago sa makapal na make-up ang mukha ng clown, dito nag-uugat ang “takot”.

Kung takot ka sa dugo

Ikaw ay may “strong protective instinct”. Upang maging ganap ang pagiging “protector”, ang pagiging kalmado at buo ang loob sa panahon ng panganib ay nakapaloob na sa iyong pagkatao.

Ang dugo ay ikinukunekta ng ating isipan sa maling sitwasyon. Nagbibigay din ito ng signal sa utak na may panganib kaya ang tendency ay maging handa. Upang maging handa, kailangan munang pakalmahin ang sarili. Dito nanggagaling ang pagiging kalmado ng isang tao.

Kung takot kang magsalita sa harapan ng publiko

Indikasyon ito na perfectionist ka pero mababa ang iyong tiwala sa sarili, at naghahanap ka lagi ng approval ng ibang tao sa lahat ng ginagawa mo. Pinaplano mo pa lang ang isang bagay ay sinisentensiyahan mo na agad na ito ay hindi magtatagumpay. Takot ka na mapintasan kapag nagsalita sa harap ng publiko kaya gusto mong maging perpekto ang lahat ng iyong ginagawa.

(Itutuloy)