Drug suspect timbog sa P1.36 milyong halaga ng shabu
SAN MIGUEL, Bulacan, Philippines — Aabot sa P1.36-M halaga ng shabu ang nakumpiska ng mga pulis sa isinagawang drug buy-bust operation sa Brgy. Bulualto ng nasabing bayan, kamakalawa.
Kinilala ang naarestong suspek na si Gilbert Catiis na nasa listahan ng PDEA watchlist.
Sa ulat,dakong alas 4:15 ng hapon nang maglatag ng buy-bust operation ang San Miguel police sa nasabing barangay at nang makabili ng isang plastic sachet ng shabu ang poseur/buyer sa suspek ay nakahalata ito na isang pulis ang kanyang ka transaksyon, mabilis itong tumakbo at nagbunot ng baril at pinaputukan ang pulis.
Gumanti ng putok ang pulis at doon tinamaan niya ang suspek sa balikat kung kaya naaresto.
Nang maaresto ang suspek, ay nasamsamang 200 gramo ng shabu na nasa loob ng bag na may street value na P1,360.000.
- Latest