Truck driver na dumagan sa 2 jeep, kilala na
7 na ang nasawi
MANILA, Philippines – Natukoy na ng mga awtoridad ang tumakas na driver ng truck na dumagan sa dalawang jeepney sa Sumulong Highway, Brgy. Mambugan, Antipolo City noong Sabado habang umakyat sa pito ang bilang ng mga nasawi sa trahedya, iniulat ng pulisya kahapon.
Iniutos na ni P/Lt. Col. Alvin Consolascion ang malawakang pagtugis sa truck driver na si Ariel Patricio na nahaharap sa kasong reckless imprudence resulting in multiple homicide at serious physical injuries.
Ang pinakahuling biktima ay kinilala namang si Ivan Pogoso, 15-anyos, estudyante na namatay habang ginagamot sa ospital sa Marikina.
Unang namatay sa aksidente sina Gionvanie Bongaitan, Limuel Espinorio, Ramona Macaladcad, Denise Kyla Lingad Yu, John Paul Mallari, at James Vincent dela Cruz habang nakaratay pa sa ospital sina Alex Dagupan at Rey Mandy Pelayo, kapwa driver ng mga pampasaherong jeepney at isang Jennilyn Espinosa.
- Latest
