Boarding house ni-raid ng akyat-bahay
TUGUEGARAO CITY, Cagayan, Philippines – Nilimas ng mga akyat-bahay na namamasko ang mga alahas, gadgets at pera ng walong estudyante kabilang ang isang nakitulog lamang sa kanilang boarding house sa Barangay Andres Bonifacio, bayan ng Diffun, Quirino kamakalawa. ?
Laking gulat ni Jeyrose Talupa 21 nang buma ngon siya para dumalo sa simbang gabi nang madiskubreng nilimas na ng kawatan ang mga mahahalaga nilang gamit sa boarding house na pag-aari ni Nathaniel Guillermo.?
Kabilang sa mga nilimas ng mga kawatan ay mga laptop computers, cellphone, tablets at mga panindang pabango ng isa sa kanila.?
Bago naganap ang panloloob ay pinaniniwalaang may ipinalanghap ang grupo ng kalalakihang nag caroling habang naaliw ang mga biktima sa pakikinig sa kanilang malamig na boses.?
Lumalabas sa imbestigasyon na nilagari ng mga suspek ang iron grills ng bintana ng boarding house kung saan sila dumaan at nagpistang hakutin ang mga gamit ng biktimang nakatulog ng mahimbing na may ngiti pa sa labi.
- Latest
