11 Marines sugatan sa road mishap

MANILA, Philippines – Umaabot sa 11 sundalo ng Philippine Marines ang nasugatan makaraang mahulog ang kanilang military truck sa malalim na kanal sa kahabaan ng highway sa Barangay Abong–Abong, bayan ng Maluso, Basilan noong Miyerkules ng hapon. Sa police report na nakarating sa Camp Crame, bumabagtas ang M35 military truck ng Marine Battalion Landing Team 11 sa kahabaan ng highway patungong Barangay Manggal sa bayan ng Sumisip mula Isabela City nang mawalan ng kontrol sa manibela ang driver sa bahagi ng pakurbadang highway. Bunga nito ay nahulog ang truck sa malalim na kanal sa gilid ng highway kung saan tatlo sa 11 sundalong nasugatan ay nasa malubhang kalagayan at dinala sa Camp Navarro Hospital sa Zamboanga City.