Andoy Remulla pambato sa mayoralty race
CAVITE, Philippines – Nakatakdang maghain ng certificate of candidacy (COC) sa itinakdang araw ang pambato ng Liberal Party (LP) sa mayoralty race si Rolando “Andoy” Remulla ng Bacoor City, Cavite sa gaganaping May 2016 national elections.
Si Remulla na kasalukuyang Provincial Board Member ng 2nd District sa Sangguniang Panlalawigan ng Cavite at negosyante sa nasabing lungsod ay desididong sumabak sa pagka-alkalde ng Bacoor City kung saan makakalaban nito ang dalawang babaeng mayoralty aspirants na ang isa ay kasalukuyang kongresista.
Nagdesisyon si Andoy na kumandidato dahil sa kahilingan na rin ng libu-libong residente, ilang opisyal ng lokal na pamahalaan at kapwa negosyante sa nasabing lungsod kung saan sinuportahan na rin ng kalabang partido-politiko.
“Malakas ang karisma ni Andoy sa mga botante kahit na kalabang partido ay sumuporta sa kanyang kandidatura dahil sa walang bahid ng anumang corruption sa loob ng walong taong panunungkulan sa lokal na pamahalaan,” pahayag ng ilang kalabang partido na tumangging ipabanggit ang pangalan.
Nailatag na rin ang plataporma ni BM Andoy Remula kasama na ang kanyang vice mayoralty aspirant at mga kandidato sa pagka-councilor.
- Latest