Mister inaway ni misis, nagbigti

TUGUEGARAO CITY, Cagayan, Philippines – Kusang nagpasalubong kay kamatayan ang 31-anyos na mister na nakipagtalo muna sa kanyang misis na nasa abroad matapos itong magbigti sa kanilang bahay sa Brgy. Andres Bonifacio, bayan ng Diffun, Quirino kamakalawa. ?

Sa ulat na nakarating kay P/Chief Insp. Walter Pasicolan, hepe ng Diffun PNP; huling namataang buhay ang biktimang si Amadeo Aquino Jr. na nakikipagtalo sa kanyang misis sa pamamagitan ng pakikipag-chat sa cellphone habang umiinom ng alak dakong alas-7 ng gabi.

Ayon sa anak ng biktima, nagising siya dakong alas-9 ng gabi kung saan nakitang nakabitin na sa kisame ang ama.?

Sa pag-aakalang isa lamang masamang panaginip ang nakitang tanawin ay ipinagpasya ng bata na ituloy ang pagtulog.?

Dakong alas-6 na nang umaga nabatid ng bata na isa nang katotohanan na patay na talaga ang kanyang ama nang muli itong makitang nakabitin at lawit pa ang dila.?