Lolo kinatay sa plantasyon

TUGUEGARAO CITY, Cagayan, Philippines – Napaslang ang 60-anyos na lolo matapos itong pagsasaksakin at pagtatagain ng kanyang kasamahan sa plantasyon ng tubo sa Barangay Cansan, bayan ng Cabagan, Isabela kahapon ng madaling araw. Kinilala ni P/Insp. Mario Maraggun ang biktima na si Fortunato Daulong, tubong Negros Occidental habang pinaghahanap ng pulisya ang suspek na si Segundo Iglesia. Base sa police report, nadiskubre ang gutay na bangkay ng biktima nang umihi sa may punung mangga ang may-ari ng kubo na si Oscar Totto. Narekober naman ang patalim at itak na may bahid ng dugo ng biktima habang patuloy ang imbestigasyon.?