Itinagong M-16 sa CPU nasabat sa Zambo airport

MANILA, Philippines – Naharang ng mga awtoridad kahapon ang isang kinalas na M-16 rifle na nakalagay sa loob ng central processing unit (CPU) ng isang computer sa Zamboanga International Airport.

Sinabi ni Inspector Jose Krispher Abas, hepe ng 9th Aviation Security Group's (AVG) intelligence unit, na nadiskubre ang nakatagong baril sa pre-departure area ng paliparan bandang alas-4 ng hapon kahapon.

Ililipad sana ang CPU sa bayan ng Bongao sa Tawi-Tawi.

Napag-alamanan na pinadala ang CPU ni Anuar Batus ng Pasig City at ipinadala kay Mega Jalon ng Bongao.

Patuloy ang imbestigasyon ng mga pulis sa pagkakakilanlan nina Batus at Jalon.