Trader itinumba ng tandem

BULACAN, Philippines – Napatay ang 49-anyos na negosyante matapos na ratratin ng riding-in-tandem gunmen sa bayan ng Baliwag, Bulacan kahapon ng umaga.

Naisugod pa sa Sagrada Familia Hospital pero idineklarang patay si Marcelo Angeles ng Barangay Piel. Sa imbestigasyon ni P03 Maurice Cruz, nagmomotorsiklo ang biktima patungong bayan ng San Luis, Pampanga nang sundan at pagbabarilin ng motorcycle-riding assassins.

Narekober sa crime scene ang apat na basyo ng cal.45 pistol habang patuloy naman ang imbestigasyon.