NPA attack: 1 PAF todas, 1 Army sugatan

BATANGAS, Philippines — Napas­lang ang isang 30-anyos na sundalo ng Philippine Air Force samantalang su­gatan naman ang isang Philippine Army sa naga­nap na magkahiwalay na bak­bakan laban sa mga rebeldeng New People’s Army sa mga bayan ng Ba­layan at Calatagan, Batan­gas kamakalawa ng gabi.

Kinilala ni P/Supt. Ar­cadio Ronquillo, ang napa­tay na sundalo na si PAF Sergeant Dionisio Lerio Tanguilig ng Barangay Cantaños Lejos sa bayan ng General Mariano Alva­rez, Cavite at nakadestino sa 730th Combat Group sa Barangay Patugo Detachment sa Balayan, Ba­tangas.

Sugatan naman si Private First Class Rommel De Leon, 24, ng Palawan at miyembro ng Charlie Coy 16th Infantry Battalion, 2nd ID, Philippine Army, at naka-assign naman sa Ba­rangay Hukay Detachment sa bayan ng Calatagan.

Nabatid na nagsasa­gawa ng operasyon ang mga sundalo ng PAF sa kagubatan ng Barangay Patugo, Balayan nang makasagupa ang mga rebelde bandang alas-11:45 ng gabi.

Bumulagta agad si Sgt. Tanguilig at idineklarang patay sa Apacible Memorial District Hospital sa bayan ng Nasugbu, Ba­tangas.

Samantala sa bayan ng Calatagan, nagbabantay ng gate ng detachment si PFC De Leon sa Barangay Hukay nang sumabog ang tatlong granada na sina­sabing inihagis ng mga rebelde.