Bulacan governor pipigilan ang pagmimina

MALOLOS CITY, Philippines — Siniguro ni Bulacan Governor Willy Alvarado na pipi­gilan niya ang pagmimina sa ka­nilang lalawigan upang protektahan ang kanilang kapaligiran.

Sinabi ni Gov. Alvarado sa kanyang inaugural speech, dudurugin din niya ang corruption sa kapitolyo kasabay ang paniniguro na muli niyang bubuhayin ang mga ilog sa lalawigan.

Nanawagan din si Alva­rado sa kapwa local na opis­yal na magtipid sa paggastos ng pondo ng gobyerno at tigilan ang mga proyektong la­yunin ay magpasikat lamang.

Tiniyak din ng bagong gobernador na walang ma­gaganap na sibakan sa ha­nay ng mga empleyado ng kapitolyo.

Si Alvarado ang ika-31 gobernador ng Bulacan mula ng italaga bilang civil at military governor ng la­lawigan ang yumaong si General Gregorio Del Pilar noong 1898.