Dagdag biyahe ng Philtranco sa Semana Santa

Nagpahayag ng kahandaang dagdagan ang biyahe ng mga pampasaherong bus ng Philtranco dahil sa inaasahang pagdagsa ng mga pasahero sa darating na Semana Santa at bakasyon ng mga estudyante patungo sa iba’t ibang lalawigan.

Ito ang mariing sinabi ni Alejandro Yague, Jr. pangulo ng Philtranco na magtatalaga ang nabanggit na kompanya ng mga biyahe patungong Bicol, Silangan Bisaya at Mindanao.

Bukod sa karagdagang biyahe ay maglalagay ang Philtranco ng pick-up station sa Turbina, Calamba City at unloading station naman sa Tritran terminal sa Kamuning, Q.C. partikular na ang mahigpit na pagpapatupad ng security measures para sa kaligtasan ng mga pasahero.

Magbubukas din ng mga booking office ang Philtranco sa Uniwide, Sucat, Kaloocan at Coastal Mall sa Parañaque City at sa kasalukuyan, ang nabanggit na bus company ang nabigyan ng prangkisang magbiyahe sa buong bansa. (Ulat ni Ed Casulla)