Mag-utol sinalpok ng bus: 1 patay, 1 grabe

DARAGA, Albay – Isang magkapatid na lalaki ang iniulat na aksidenteng nasalpok ng pampasaherong bus na ikinasawi ng isa at ikinasugat ng malubha ng isa pa habang naglalakad ang mga biktima sa kahabaan ng Brgy. Malabog sa bayang ito kahapon ng madaling araw.

Kinilala ng pulisya ang nasawing biktima na si Carlo Rico, 19, binata, samantala, ang nasa kritikal na kondisyon naman ay si Joseph Rico, 16, ng nabanggit na barangay.

Napag-alaman sa ulat ng pulisya, naganap ang pangyayari dakong alas12:35 ng madaling araw habang ang mag-utol ay naglalakad papauwi mula sa isang birthday party at hindi inaasahang mabundol ng bus (EVF-594) na minamaneho ni Armando Berin ng Brgy. Binitayan,Malilipot (Ulat ni Ed Casulla)