Retiradong pulis na naglalakad, tinadtad ng bala

MANILA, Philippines — Isang retiradong pulis na may piggery business ang natagpuang patay nang ito pagbabarilin ng hindi pa kilalang suspek, kamakalawa sa Maragondon, Cavite.

Kinialla ni Maragondon police chief, Major Crispin Mangupag ang biktimang si Carmelo Artisano, 60, dating pulis at mayroon na piggery business ay natagpuang tadtad ng bala sa iba’t ibang bahagi ng katawan ilang metro ang layo sa kanyang bahay sa Barangay Pantihan 1, alas-8:10 ng umaga nitong Linggo.

Nadiskubre ang bang­kay ni Artisano na nakatihaya ni Roffo Gancayco, barangay captain ng Pantihan 1 matapos na iulat sa kanya ng mga residente na nakarinig nang sunud-sunod na putok ng baril.

Lumalabas sa imbestigasyon na patungo sa kanyang piggery ang biktima na may 15 hakbang ang layo sa kanyang bahay nang sumulpot ang gunman na nakatago sa madilim na lugar at pinagbabaril ang biktima ng kalibre .45 baril.

Naghahanap ang mga im­bestigador ng video footage ng close-circuit television camera na nakakabit sa malapit nang pinangyarihan ng krimen.