Halos P2 bilyong pinsala sa imprastraktura at agrikultura ng magkasunod na bagyo at habagat
MANILA, Philippines — Halos P2 bilyon ang halaga ng pinsala sa imprastraktura at agrikultura ng bagyong Goring, Hanna at habagat.
Ito ay batay sa pinakahuling datos ng National Disaster Risk Reduction and Management Council (NDRRMC).
Nabatid na sa imprastraktura, umakyat na sa mahigit P895 milyon ang halaga ng pinsala kung saan naapektuhan nito ang 126 imprastraktura sa Ilocos Region, Cagayan Valley, MIMAROPA, Western Visayas at Cordillera Administrative Region (CAR).
Nasa 1,544 kabahayan ang napinsala ng bagyo, kung saan 265 ang totally damaged at 1,279 ang partially damaged.
Lumobo naman sa mahigit P959 milyon ang halaga ng pinsala sa agrikultura sa Cagayan Valley, Central Luzon, Mimaropa, Western Visayas at CAR.
Umabot na sa 34,303 magsasaka at mangingisda ang naapektuhan ang kabuhayan dahil sa magkakasunod na sama ng panahon.
- Latest
