CCTV footage, katibayan ng cover-up attempt sa P6.7 bilyong drug haul – Abalos
MANILA, Philippines — Sinabi ni Interior Secretary Benhur Abalos na ang CCTV footage “speaks for itself” sa diumano’y cover-up attempt o pagtatangka umanong itago ang serye ng mga operasyon na ikinasa noong Oktubre 2022 lalo na ang nakulimbat na P6.7 bilyong halaga ng shabu ng ilang pulis.
Ang pahayag na ito ni Abalos ay tugon sa depensa ni Philippine National Police (PNP) chief Police General Rodolfo Azurin Jr. na walang nangyaring cover-up sa operasyon.
“In law, there is the principle of res ipsa loquitur. The thing speaks for itself.The video in itself is a statement of what transpired,” ayon pa kay Abalos.
“While I respect General Azurin, I am sure he agrees with me that the public deserves to know the truth. Hindi lamang sa isyu ng 42 kilos kundi higit sa lahat sa kung ano ang nangyari sa 990 kilos na nakumpiska,” dagdag pa ng kalihim.
Kasabay nito, nagpahayag din ng tiwala si Abalos sa National Police Commission (Napolcom) na pinamumunuan niya na masusi itong mag-iimbestiga, base sa kanilang mandato.
Ani Abalos, nag-convene ang fact-finding panel ng Napolcom dahil sa umano’y mabagal na imbestigasyon sa kaso ng sinibak na si P/Master Sergeant Rodolfo Mayo Jr.
Iprinisinta rin niya sa media ang CCTV footage, kung saan makikita si Mayo na nakaposas na kalaunan ay pinakawalan.
Makikita rin umano sa video ang pagdating at pag-alis ng mga pulis sa lugar na kinaroroonan ni Mayo.
Nanindigan din si Abalos na lumitaw sa imbestigasyon ng Napolcom na mayroong ‘massive attempt’ na i-cover-up ang pag-aresto kay Mayo.
- Latest
