NFA nagpalabas ng 2.2 milyong bags ng bigas para sa COVID-19 relief
MANILA, Philippines — Makaraan ang isang buwang pagpapairal sa enhanced community quarantine (ECQ) sa Luzon at iba pang lugar sa bansa ay nasa 2.2 milyong bags ng bigas ang naipalabas ng National Food Authority (NFA) para ipamahagi sa ibat ibang local government units (LGUs), Department of Social Welfare and Development (DSWD), legislators, at iba pang relief institutions para ibigay sa mga apektadong pamilya ng krisis.
Ayon sa NFA, mula March 16 hanggang April 16, may kabuuang 1,919,719 bags ng NFA rice ang naipalabas ng ahensiya sa iba’t ibang LGUs sa bansa, 94,413 bags sa DSWD; 86,655 bags sa mga mambabatas, 90,946 bags sa iba pang relief-giving institutions para sa relief purposes na bukod sa Luzon, na-bigyan din ng bigas ang mga LGUs sa Visayas at Mindanao na naisailalim sa ECQs.
Inatasan ni NFA Administrator Judy Carol Dansal ang lahat ng opisina ng NFA sa buong bansa na gawing bukas araw araw ang mga tanggapan upang matugunan ang pangangailangan sa bigas ng lahat ng LGUs at relief agencies at patuloy na bilhin ang palay ng mga magsasaka at gawin itong buffer stock para magamit sa panahon ng pangangailangan sa bansa.
- Latest
