Kelot tsinap-chop sa Caloocan

MANILA, Philippines -Isang chop-chop na katawan na isang lalaki na pawang naaag­nas ang natagpuan ka­makalawa sa Caloocan City.

Batay sa ulat, dakong alas-3:00 ng hapon nang makita ng isang Rodel Libarato ang putol na hita ng isang lalaki sa ma­damong bahagi ng Anahaw St., Amparo Sub­division.

Nang rumesponde ang mga pulis sa lugar ay napansin nila  na may mga hukay sa nasabing damuhan kaya’t hinukay nila ito at nakuha ang ulo, at iba pang parte ng ka­tawan ng biktima.

Hindi rin nabuo ang parte ng katawan ng biktima na hinihinalang inilibing sa nasabing lugar.

Malaki ang hinala ng pulisya na nahukay ng aso ang hita sa pinagli­bingan nito kung kaya’t nadiskubre ang mga pu­tol na katawan ng hindi pa kilalang lalaki.