Red Warriors dinagit ng Soaring Falcons
MANILA, Philippines — Ibinaon lalo ng Adamson University ang University of the East matapos ilipad ang 71-64 panalo sa UAAP Season 89 men’s basketball tournament kahapon sa Mall of Asia Arena sa Pasay City.
Nagtala si Ray Allen Torres ng 17 points, tatlong rebounds at tatlong assists para sa 3-2 baraha ng Adamson.
Bumakas si Nigerian big man Precious Jonah ng 14 markers, pitong rebounds, tatlong steals at isang block at kumana sina Matt Erolon, Earl Medina at Matthew Monteban ng 12, 11 at 10 points, ayon sa pagkakasunod.
Maagang dinomina ng Soaring Falcons ang Red Warriors matapos hawakan ang 10-point lead, 24-14, sa first canto.
Nagpatuloy ang ratsada ng Adamson sa second quarter para lalong ibaon ang UE sa 54-32 sa halftime.
Nagtulungan sa opensa sina Torres, Erolon at Montebon para sa maagang kalamangan ng Soaring Falcons sa first half.
Nakitaan ng tikas ang Red Warriors sa third period matapos nilang ibaba ang kanilang hinahabol sa walo, 49-57, papasok ng fourth quarter.
“We weren’t really surprised with how UE played in the second half because I always remind my players that UE is also due for a win. They’ve been playing a lot better the last three games.So I’m really challenging our players to do a lot better,” sabi ni Adamson head coach Nash Racela.
Ngunit hindi naman nagpabaya ang Soaring Falcons sa payoff period kaya nanatili sa kanila ang bentahe para ikahon ang panalo at umakyat sa top four sa team standings.
Samantala, tinalo ng UP Fighting Maroons ang La Salle Green Archers, 80-76,
- Latest
