Hawks talsik sa Bulls sa play-in tourney
CHICAGO — Nagpaputok si guard Coby White ng career-high 42 points para banderahan ang Bulls sa 131-116 pagpulutan sa Atlanta Hawks papasok sa play-in tournament.
Humakot si Nikola Vucevic ng 24 points at 12 rebounds habang may 22 at 19 markers sina DeMar DeRozan at Ayo Dosunmu.
Lalabanan ng Chicago ang Miami Heat sa agawan para sa No. 8 seed sa Eastern Conference playoffs kung saan ang mananalo ang sasagupa sa No. 1 Boston Celtics sa first-round.
Pinamunuan ni Dejounte Murray ang nasibak na Atlanta sa kanyang 30 points kasunod ang tig-22 markers nina Trae Young at Clint Capela at 21 points ni Bogdan Bogdanovic.
Ang three-pointer ni Vucevic ang nagbigay sa Bulls ng 88-85 bentahe sa 4:59 minuto sa third quarter patungo sa 105-87 pagbaon sa Hawks sa huling 1:27 minuto nito.
Sa Philadelphia, kumolekta si Joel Embiid ng 23 points at 15 rebounds para pangunahan ang 76ers sa 105-104 pagtakas sa Heat.
Nakuha ng Philadelphia ang No. 7 seed at haharapin ang second-seeded New York Knicks sa opening round ng Eastern Conference playoffs.
Nag-ambag si Nicolas Batum ng 20 points habang may 19 markers si Tyrese Maxey.
- Latest
