Bynum magwo-workout na

PHILADELPHIA – Nakumpleto na ni Philadelphia 76ers center Andrew Bynum ang kanyang rehabilitation mula sa kanyang season-ending knee surgery at nakatakdang magsimula ng basketball workouts sa susunod na linggo.

Sinabi ng agent ni Bynum na si David Lee, na walang nagdududang magiging handa si Bynum sa training camp.

Sinabi rin niyang wala pang nakikipag-usap sa kanya mula sa Sixers at hindi umaasa sa kahit na anong deal sa team bago maging free-agent ang  7-foot center  sa July 1.

Sinabi ni Lee na mas mapapaaga ang regular offseason workouts ni Bynum na sisimulan sa susunod na linggo sa Atlanta imbes na simulan sa August.