Fareñas nag-eensayo sa Wild Card

MANILA, Philippines - Nasa maigting nang pag-eensayo si Michael ‘The Hammer Fist’ Fareñas bilang paghahanda sa kan­yang laban kay Hardy Pa­redez ng Chile sa Abril 27 sa Erwin Center, Austin, Texas.

Nanggaling si Fareñas sa isang unanimous decision loss kay world fea­ther­weight champion Yuriorkis Gamboa ng Cuba no­ong Disyembre.

Dumating ang 28-an­yos na si Fareñas sa Uni­ted States noong naka­raang linggo kasama si bo­xing manager Gerry Peñalosa.

Kaagad nagsanay si Fa­reñas sa Wild Card Gym ni chief trainer Freddie Roach.

“Maganda and ensayo ko dito, tinutulungan ako ni coach Freddie at ni Mar­vin,” sabi ni Fareñas sa panayam ng Philbo­xing.com.