Bubot na Bayabas (85)
BUMANGON si Apol. Nakatulog pala siya sa sopa. Nang tingnan niya ang relo pasado ala-una ng madaling araw. Kailangang painumin niya ng gamot si Guava. Tuwing ikaapat na oras ang pag-inom ng gamot.
Kinuha niya ang gamot sa kuwarto. Kumuha ng tubig at dinala sa kuwarto.
Tulog si Guava.
Marahan niyang tinapik sa braso. Mainit ang braso nito. May lagnat pa rin.
“Guava! Uminom ka ng gamot.”
Kumilos si Guava.
“Eto ang gamot.”
Bumangon si Guava. Hirap na hirap.
Inalalayan ni Apol.
“Kumusta ang pakiramdam mo?”
“Masakit pa rin ang ulo ko—pati katawan.”
“Ano gusto mo kainin? Aroskaldo okey sa iyo? Para mainitan ang sikmura mo.”
Tumango.
“Inumin mo muna itong gamot at pagkatapos magluluto ako ng aroskaldo.”
Ininom ni Guava ang gamot. Natulog uli ito pagkatapos.
Nagluto ng aroskaldo si Apol.
Habang hinihintay na maluto, problemado siya sa kalagayan ni Guava. Kapag hindi pa ito gumaling, dadalhin na niya sa ospital o sa malapit na clinic. (Itutuloy)
- Latest
