Net 25, tumaas ang rating sa TVJ

“Since TVJ (Tito, Vic Joey) is with Net 25 already, we are open to that. Sino po ba ang tatanggi sa pagkakaroon ng ganyang programa. We are open to that. We will be thankful also if that happens,” sagot ni Mr. Caesar Vallejos, President and CEO ng Net 25 sa kontrobersyang kasama sila sa mga nag-offer sa Eat Bulaga bukod pa sa TV5.

May rumor nga na isa sila sa mga binabanggit ni former Sen. Tito Sotto na may offer sa kanila if ever na hindi na nga raw maplantsa ang kontrobersya sa pagitan ng TAPE Inc. at mga host and staff ng programa.

Though sa kasalukuyan ay nasa Net 25 na ang TVJ pero kanya-kanya silang programa.

Si Tito Sen ay may Reality Check, si Vic with Pauleen and Tali ay Love Bosleng and Tali habang si Joey de Leon ay Oh No! It’s BO (Biro Only).

Bukod dito ay natanong din namin si Mr. Vallejos kung ano bang mga plano nila sa kanilang network. “Marami kaming mga plano and we study the programming and there are times na nagco-counter programming kami, minsan go with the flow pero minsan kailangan mong mag-counter programming,” paliwanag pa i Mr. Vallejos na may sarili ring programa sa kanilang network, ang Open For Business.

Pero aniya ay pinag-aaralan din nila ang nagaganap na competition. “As you have seen naman, television is a business and it’s a competitive landscape so whatever the other networks are doing, we are observing that also and we follow the ‘shape’.”

Dagdag niya pa “Tinitingnan din natin ang mga ugali ng mga Pilipino, ang mga ugali sa panonood ng TV at iyon ang nakikita natin at tinitingnan din natin kung ano ang gustong panoorin ng mga Pilipino, di ba.

“And also with the advent of social media, digital, we also look at that. Ano ang gumagana para sa digital media... ano ang gumagana para sa telebisyon. So in terms of planning all these things, we are open to various program pitches so we are also in the business of looking at various content producers para ‘yun ‘yung makita namin so kumbaga pinag-aaralan din natin lahat ng mga programa.”

Pero aniya tumaas din naman ang rating nila sa pagpasok ng mga bagong programa. “Nung dinagdag namin ang TVJ, ‘di ba, in our programming, si Korina Sanchez and all the other big stars, we saw the impact of these personalities in the overall viewership of Net 25. I think there is no stopping. Itutuloy namin...”