Midayeg kang Marian

CEBU, Philippines — Gidayeg sa komedyanteng si Vice Ganda ang kaanyag ni Kapuso Primetime Queen Marian Rivera, kini atol sa pag-post niini sa twitter og hulagway nilang duha.

Ang maong hulagway kay kuha atol sa surprise visit ni Marian sa set sa upcoming movie ni Vice nga Fantastica diin usa si Dingdong Dantes sa iyang kapares.“

Nakuampotek napakaganda ni Marian!!! Mukha talagang artista! Nagmukha akong puchu puchu!!!Nung natitigan ko yung mukha niya napaisip talaga ko kung paano ko naging artista!,"post pa ni Vice.

Mipakita sa ilang ABS

Gikagubtan sa online world ang g-iupload nga hulagway sa Los Bastardos stars Diego Loyzaga, Albie Casiño, Joshua Colet, Marco Gumabao, ug Jake Cuenca, diin gibandira nila ang ilang mga “perfectly toned” nga mga lawas.

Gibayaw sa kakilig ang mga fans sa pagkakita nila sa abs sa ilang mga idolo.

Mopainit sa kahaponon sa Kapamilya viewers ang seryeng Los Bastardos sugod karong adlawa, October 15.

Wala'y biyaay

Saulugon  ni Mitoy Yonting ug ka-grupo niining The Draybers ang ilang 10th anniversary pinaagi sa pagpahigayon og Biyaheng Diyes concert didto sa Resorts World Manila karong October 30. Kahinumduman nga nahimong labing unang grand champion sa The Voice Philippines si Mitoy niadtong 2013, apan bisan sa iyang kadaugan wala gyud siya nibiya sa iyang grupo.

Emosyonal si Regine

Wala kapugngi sa Asias Songbird Regine Velasquez ang pagtulo sa iyang luha sa dihang nihatag kini sa iyang farewell message sa GMA-7 atol sa 6th anniversary episode sa iyang show nga Sarap Diva. Nagpasalamat si Regine ngadto sa kadagkuan sa GMA-7 sa pagpangga kaniya sulod sa duha ka dekada. Girespeto ra sa GMA-7 ang desisyon niini nga manamilit sa maong istasyon. Una na nga gidungog nga mobalhin si Regine sa ABS-CBN, gani kumpirmado na nga molugwa siya sa ASAP Sydney.

Mobalhin na og puyo

Magmagul-anon matod pa si Rayver Cruz karon tungod kay mobalhin na iyang igsoon nga si Rodjun sa bag-ong balay niini didto sa Parañaque City kauban ang hinigugma niini nga si  Dianne Medina. Gitakdang magpakasal sila si  Rodjun ug  Dianne karong Disyembre.

Hugyaw ang costume!

Napuno sa mga pagdayeg  ang Sarimanok-inspired nga national costume ni Michele Gumabao  sa Miss Globe 2018 nga gidesinyo nilang Nat Manilag ug Son Alano. Sa pagka karon, nalanding si Michelle sa third place sa online voting diin nakakuha siya og 15% votes. Mahitabo ang coronation night karong October 21 busa nanghinaot siya nga padayon nga mosuporta kaniya ang mga Pilipino nga maoy naghatag kaniya og igong kusog.

Kontento ra

Gipaambit sa aktres nga si Rosanna Roces nga malipayon ug kontento kaayo siya sa iyang sex life karon kauban ang hinigugma niya nga tomboy. “Alam mo, nung may asawa ako dati na lalake, alam mong maharot ako, nagkaka-affair ako? Ngayong, sa ganitong relasyon, wala akong kabalak-balak na tumikim ng lalake. Kuntentung-kuntento ako," paambit pa niini.

Sa Japan ang pre-nup

Gipaambit ni former StarStruck Avenger Jade Lopez sa social media ang pre-nup photos nila sa iyang hinigugma  si Rocky Siccion. Giingong kuha sa Tokyo, Japan ang maong  mga hulagway. Gikatakdang kaslon  ang duha karong October 22 didto sa Manila Cathedral.

Mosulod sa showbiz

Karon nga napasa na niya ang iyang korona isip Miss World PH crown, magpokos na matod pa si Laura Lehmann sa iyang showbiz career. Nipirma og kontrata si Laura ubos sa GMA Artist Center ug excited na matod pa siya nga sugdan ang nakalinya niyang mga proyekto. Giingong aduna siya'y hosting job sa  Kapuso network ug molugwa usab siya sa mga teleserye ug pelikula.

Mihimakak sa pasangil

Gihimakak sa Kapamilya hunk actor Diego Loyzaga ang tsismis nga daw gibuwagan niya ang aktres nga si Sofia Andres kini tungod kay aduna kini anxiety attacks."No, no, of course not. It's horrible if you break up with someone because of a problem like that. Help the person out. Try to make them feel better,”pasabot pa sa aktor.

Nadisgrasya ug nakawatan

Naaksidente sa iyang gisakyan nga motorsiklo ang former Pinoy Boyband Superstar Markus Paterson niadtong Biyernes ug nakaangkon kini og injuries sa iyang lawas. Giasoy sab niini nga gikawatan siya og mga gamit sa dihang gitabang na siya sa mga nakakitang residente, busa wala dayon siya nakakontak sa iyang pamilya ug suod nga mga higala. Kasamtangang nagpatambal karon sa ospital ang Kapamilya singer-actor. (BANAT NEWS)