Boses ni Anne pinuri ni Lani Misalucha!

Masayang-masaya si Anne Curtis dahil bukod sa namamayagpag muli ang ratings ng It’s Showtime ay magsisimula na rin mamayang gabi ang I Love OPM na bago niyang programa. “It came as a surprise to me when I was first offered to the the show. I said, ‘Host a singing competition? Are you sure na pwede ako riyan?’ sabi nila, ‘Host ka naman eh. Ito ‘yung meron tayong mga 100% hindi Pinoy na kakanta ng Tagalog songs.’ ‘Perfect ako riyan!’” natatawang kwento ni Anne.

Ikinatuwa rin ng aktres ang ginawang pagpuri sa kanyang pagkanta ng isa sa mga hurado ng bagong show na si Lani Misalucha. “I was so surprised. Siguro kasi kapag nagte-taping kami, kumakanta ako kahit na break kami. Super sing ako and I think nga kahit paano nag-improve nga ang voice ko,” pagbabahagi ni Anne.

Samantala, ilang taon nang kasintahan ng dalaga si Erwan Heussaff kaya napag-uusapan na rin daw ng dalawa ang pagpapakasal. Kamakailan ay nagpakasal na ang nakatatandang kapatid ni Erwan na si Solenn Heussaff. “Not yet but I think that will come sooner than later. Of course napag-uusapan naman ‘yan. We wouldn’t be together for so long if that wasn’t the direction we’d be going to anyway. I think everything will happen in its own beautiful time. If it happens, it happens, if it doesn’t, it doesn’t,” giit ni Anne.

Sa edad naman daw kasi nila Zsa Zsa at arkitektong BF gustong maging Praktikal sa kanilang kasal

Muling mapapanood si Zsa Zsa Padilla sa isang teleserye. Kasama ang singer-actress sa The Story of Us na pinagbibidahan nina Kim Chiu at Xian Lim. Sobrang excited na raw ni Zsa Zsa dahil 2014 pa siya huling nakagawa ng serye. “Siyempre nakaka-miss magdrama. Kasi first time ko talaga makaeksena si Kim ng drama. Natutuwa ako kasi ang galing-galing niya. Kahit hindi kami magtinginan, nakaka-relate kaming maigi sa istorya, siya bilang anak at ako bilang ina,” nakangiting pahayag ni Zsa Zsa.

Samantala, nalalapit na ang pagpapakasal ng aktres at kasintahang si architect Conrad Onglao. Hindi pa raw masyadong nakapaghahanda si Zsa Zsa para sa kasal nila. Hanggang maaari ay gusto rin daw gawing pribado na lamang ang espesyal na araw na ito. “Secretive ako, I really want to keep it private pero of course when it happens, maybe I’ll just put up an announcement in social media which is that way it’s done now. I really want it very simple kasi hindi ko naman first wedding and hindi rin niya first wedding. Sa edad namin, we have to be practical,” paliwanag ni Zsa Zsa.

Hindi na raw nakararamdam ng kaba ang aktres para sa pag-iisang-dibdib nila ng arkitekto. “Hindi na. I already know that I’m very committed to this man. ‘Yun lang naman, kailangan determined ka kung ano ba talaga ang gusto mo,” pagtatapos pa niya.