Energy tinambakan ang Elite

Laro Bukas

(Cuneta Astrodome)

4:15 p.m. Meralco vs Kia

7 p.m. Globalport vs Purefoods

MANILA, Philippines – Naroon ang seven-foot import na si Solomon Alabi para sa Barako Bull.

Ngunit sina guards Chico Lanete at Sol Mercado ang bumandera sa Energy sa fourth quarter nang makalapit ang Blackwater Elite para iposte ang kanilang 92-70 panalo sa 2015 PBA Commissioner’s Cup kagabi sa Cuneta Astrodome sa Pasay City.

Tumapos si Mercado na may 20 points mula sa 7-of-11 fieldgoal shooting bukod pa sa kanyang 3 assists, habang may 19 markers si Lanete para sa 1-0 baraha ng Barako Bull at makatabla sa itaas ang Globalport at Meralco.

Humakot si Alabi ng 21 points, 22 rebounds, 5 blockshots at 1 steal sa kanyang PBA debut.

“We started well on the defensive end. Ang goal namin is to give our opponents 22 points in every quarter,” sabi ni coach Koy Banal. “Iyong second unit namin has to do a better job next time.”

Nalasap naman ng Blackwater, naglaro nang wala ang may hamstring injury na si 6’8 import Chris Charles, ang kanilang pang-12 sunod na kamalasan mula sa nakaraang PBA Philippine Cup.

Ang basket ni Mercado ang nagbigay sa Energy ng 15-point lead, 50-35, sa gitna ng third period bago nakalapit ang Elite sa 55-60 agwat sa huling minuto ng nasabing yugto.

Sa likod nina Lanete at Mercado ay muling nakalayo ang Barako Bull sa 72-58 sa 10:05 minuto sa fourth quarter.

At mula rito ay hindi na nakahabol ang Blackwater.

Kasalukuyan pang nagla­laro ang nagdedepensang Talk ‘N Text at ang Rain or Shine habang isinusulat ito.

Mag-uunahan ang Tropang Texters, muling ipaparada si dating import Richard Howell, at Elasto Painters na mailista ang una nilang panalo sa torneo para makasama sa itaas ang Meralco Bolts, Globalport Batang Pier at Energy.

Idinagdag ng Talk ‘N Text si veteran guard at two-time PBA Most Valua­ble Player Willie Miller sa kanilang line-up matapos ang pagreretiro ni pointguard Jimmy Alapag kamakailan.

Barako Bull 92 - Alabi 21, Mercado 20, Lanete 19, Intal 13, Wilson 5, Garcia 4, Pascual 4, Salva 3, Lastimosa 2, Hubalde 1, Peña 0, Marcelo 0, Salvador 0, Paredes 0, Sorongon 0.

Blackwater 70 - Faundo 16, Reyes 9, Heruela 9, Gamalinda 8, Ballesteros 7, Nuyles 6, Acuna 5, Erram 4, Laure 4, Bulawan 2, Charles 0, Timberlake 0, Celiz 0, Ciriacruz 0, Austria 0.

Quarterscores: 23-17; 43-35; 62-58; 92-70.