Ano ang lalaki?
SAPOL - Jarius Bondoc (Pilipino Star Ngayon) - April 27, 2018 - 12:00am

KATANGI-TANGING nilalang si lalaki. Sinasakripisyo niya ang mga pangarap para lang sa ngiti ng mga magulang. Ginagasta niya lahat ng laman ng pitaka sa regalo para lang mapangiti ang babaing pinaka-iibig. Inuukol niya ang kanyang kabataan para sa misis at mga anak nang pagtrabaho hanggang gabi nang walang angal. Nagmamalasakit siya pero sinasabon pa rin ng nanay, misis, at boss.

Kung pala-labas siya, siya’y palaboy; kung nasa bahay lang palagi, siya’y tamad. Kapag pinapagalitan ang mga anak, siya’y halimaw; kapag hindi niya sila sawayin, siya’y pabaya. Kapag pinatigil maghanapbuhay si misis, siya’y insecure; kapag hinayaan siya magtrabaho, nagpapasasa lang siya sa hirap ng babae. Kung masu­nurin sa ina, siya’y mama’s boy; kung masunurin sa misis, siya’y alipin. Kung magdamit nang magara, siya’y waldas; kung hindi manamit, siya’y madungis. Kung tumutulong sa misis, siya’y binabalewala; kung hindi tumu­tulong, siya’y malupit.

* * *

Ini-interview ng reporter ang magsasaka tungkol sa mga kalabaw: “Sir, saan po n’yo sila pinapaliguan?” Mag­sasaka: “Yung itim o yung puti?” Reporter: “Yung itim po.” Magsasaka: “Sa sapa yung itim.” Reporter: “E yung puti?” Magsasaka: “Sa sapa rin.”

Nakataas ang kilay ng reporter: “A ganun po ba. Ano naman ang pinapakain n’yo sa mga kalabaw?” Magsa­saka: “Yung itim o yung puti?” Reporter: “Yung itim po.” Magsasaka: “A, damo.” Reporter: “E yung puti po?” Magsasaka: “Damo rin.”

Inis na si reporter: “Saan mo naman sila pinapatulog?” Magsasaka: “Yung itim o yung puti?” Reporter: “Yung itim!” Magsasaka: “Sa ilalim ng puno.” Reporter: “At yung puti???” Magsasaka: “Sa ilalim din ng puno.”

Buwisit na si reporter: “Bakit mo pa tinatanong kung itim o puti, e pareho lang naman ang sagot mo???” Magsasaka: “A kasi yung itim na kalabaw sa akin ‘yon.” Reporter: “At yung puti kanino?” Magsasaka: “Sa akin din.”

JARIUS BONDOC
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with