Imahe ng Our Lady of Fatima, kinoronahan
MANILA, Philippines — Idinaos ang canonical coronation ng Nuestra Señora de Fatima de Marikina sa Diocesan Shrine at Parish of St. Paul. Paul of the Cross, sa Marikina City, nitong Linggo kasabay ng Mothers’ Day.
Pinangunahan ni Antipolo Bishop Ruperto Santos ang pagpatong ng korona sa pagdaraos ng ika-9:00 ng umaga na Eucharistic celebration.
Sa kaniyang homilya, sinabi ni Bishop Santos na ang pagkorona sa imahe ay isang regalo sa Blessed Virgin Mary .
“Ito po ngayon ang ating maganda at natatanging alay ng inang simbahang Pilipinas, isa nating mabuti at mabiyayang handog sa mananampalatayang Pilipino,” ani Bishop Santos.
Ayon sa Catholic Bishops’ Conference of the Philippines (CBCP) ang canonical crowning ay isang “pious institutional act in which the pope, through a bull, designates a crown or stellar halo to be added to a Marian image under a specific devotional title in a particular area or diocese.”
Batay sa liham na binasa ni Fr. John Paul Buenafe, ipinagkaloob ni Pope Francis ang canonical coronation sa Nuestra Señora de Fatima de Marikina noong Enero 2024.
Ang imahe ng Our Lady of Fatima ay nakalagay sa Diocesan Shrine ng Marikina City at Parish of St. Paul of the Cross, na kabilang sa Diocese of Antipolo.
- Latest
