Kandidatong sabit sa illegal drug trade, ’wag iboto – PDEA
MANILA, Philippines — Hinimok ng Philippine Drug Enforcement Agency (PDEA) ang publiko na huwag iboboto ang sinumang kandidato kung ito ay sabit sa illegal drug trade.
Ang panawagan ay ginawa ni PDEA Director General Wilkins M Villanueva nang mahuli ang isang mayoralty candidate at apat na iba pa sa isang checkpoint operation sa Mountain Province ng may mahigit P2 milyong halaga ng marijuana.
Noong Oct 13, 2021, nahuli ng pinagsanib na puwersa ng PDEA at PNP sa isang checkpoint operation sa Oowayen, Barangay Poblacion, Sadanga ang isang Sonny Kalaw, dating opisyal ng pulisya at tumatakbong Mayor ng Sabangan, Mountain Province kasama ang apat na iba pang katao na may dalang 19 bricks ng dried marijuana leaves na may halagang ?2,280,000.00 lulan ng isang black Toyota HiAce Grandia.
“Dismiss candidates who are involved in illegal drug activities. They do not deserve your votes. We urge the voting public to choose wisely our next leaders.“Your vote is precious and please treat it that way. If we want to attain drug-free communities, we should opt for leaders who genuinely defend the nation from illegal drugs,” pahayag ni Villanueva.
- Latest
