^
TNVS applicants,  dumagsa sa LTFRB
Nilinaw ng LTFRB na tanging ang hatchbacks na may 55,000 TNVS units na kasama sa kanilang masterlist at ang aplikasyon ay naisampa noong March 5 at December 15, 2018 ang kanilang kikilalanin.
Boy Santos

TNVS applicants, dumagsa sa LTFRB

Angie dela Cruz (Pilipino Star Ngayon) - July 20, 2019 - 12:00am

MANILA, Philippines — Matapos bigyan ng signal ng Department of Transportation (DOTr)  ang Land Transportation Franchising and Regulatory Board (LTFRB) na payagan na ang hatchback na mag-operate bilang isang transport network vehicle service (TNVS) units, dumagsa naman ang mga nais na mag-apply sa tanggapan ng huli kahapon.

Gayunman, nilinaw ng LTFRB na tanging ang hatchbacks na may  55,000 TNVS units na kasama sa kanilang  masterlist at ang aplikasyon ay naisampa noong  March 5 at  December  15, 2018 ang  kanilang kikilalanin.

Umaasa naman ang mga applicants na hatchback drivers na tatanggapin din ang mga nag-apply makaraan ang  Dec. 15, 2018.

Nilinaw ni DOTr  Secretary Arthur Tugade  na kailangang ipatupad ng LTFRB ang Memorandum Circular (MC) No. 2018-5 na pumapayag na gamiting pampasahero ang hatchbacks unit hanggang  2021 subalit dapat na mababa lamang ang kanilang singil sa pasahe at limitado ang ruta sa Metro Manila.

Una nang nanawagan ang hatchback unit drivers at operators  sa DOTr na ipatupad ang  MC 2018-5  upang sila ay makapaghanapbuhay.

Sinasabing ilan sa mga operators ay mga OFW na bumili ng hatchback unit para sa Pilipinas na manirahan at pagkunan ng ikabubuhay ang naturang sasakyan sa pamamasada.

DEPARTMENT OF TRANSPORTATION LAND TRANSPORTATION FRANCHISING AND REGULATORY BOARD TRANSPORT NETWORK VEHICLE SERVICE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with